DATING MIYEMBRO NG PHILIPPINE ARMY, NAG-HOLDAP SA PAWNSHOP, ARESTADO
- Published on January 14, 2023
- by @peoplesbalita
PATONG-PATONG na kaso ang kinakaharap ngayon ng isang dating miyembro ng Philippine Army (PA) nang inaresto matapos nangholdap sa isang pawnshop sa General Mariano Alvarez (GMA), Cavite Miyerkules ng hapon.
Sa bahay ng isa sa kanyang mga kamag-anak nasundan ang suspek na si Michael Comutohan y Padilla, 47, dating miyembro ng PA at kasalukuyang nagtatrabaho bilang VIP Security at residente ng Block 38 Lot 7 Town Homes, Brgy Milagrosa, Carmona, Cavite.
Sa ulat, dakong alas-12:30 kamakalawa ng hapon nang pinasok ng suspek ang RD Pawnshop sa Brgy Gabriel GMA, Cavite at nagdeklara ng holdap.
Tinangay ng suspek ang mahigit P16,000 cash at isang unit ng Samsung cellular phone at saka lumabas na tila walang nangyari.
Batay sa isinagawang backtracking ng kapulisan sa Close Circuit Television (CCTV), paglabas ng suspek sa pawnshop, sumakay ito ng isang pampasaherong jeep at bumaba sa harapan ng Petron Gasoline Station at muling sumakay ng tricycle patungo sa kanyang kamag-anak sa Alta Tierra Homes, Brgy. Olaes, GMA, Cavite kung saan siya naaresto sa isang follow up operation dakong alas-5:30 kamakalawa ng hapon.
Narekober sa suspek ang tinangay na pera, isang Glock 23 caliber 40 na baril, isang loaded na chamber na hindi Mabasa ang serial number, dalawang magazine na may 24 na bala, tatlong unit ng cellphone, isang Granada, tatlong sachet ng hinihinalang shabu, isang set ng tactical clothes at iba’t-ibang identification cards.
Ang suspek ay nasa kustodiya na ng GMA Police Station habang inihahanda ng kaso laban sa kanya. GENE ADSUARA
-
PGH, handa nang tumanggap ng kahit na anong brand ng Covid- 19 vaccine
HANDA ang Philippine General Hospital (PGH) na tumanggap ng kahit na anumang brand ng coronavirus vaccine. “Kung anuman ang unang bakunang darating ay tatanggapin namin at ang aming batayan sa pagtatanggap nito ay ang EUA (Emergency Use Authorization) na ibibigay ng ating FDA (Food and Drug Administration),” ayon kay PGH director Dr. Gerardo Legaspi. […]
-
Mahigit 400-M estudyante sa 23 bansa, apektado pa rin ng pagsasara ng mga paaralan dahil sa pandemya – UNICEF
TINATAYANG nasa 405 million na mga mag-aaral mula sa 23 mga bansa ang nananatiling apektado ng pagsasara ng mga paaralan nang dahil sa COVID-19 pandemic. Batay sa pinakahuling ulat na inilabas ng United Nations Children’s Fund (UNICEF), nasa 23 mga bansa pa mula sa iba’t ibang panig ng mundo ang hindi pa tuluyang […]
-
8 sa 15 preso pumuga sa Caloocan detention facility, nahuli na
NASAKOTE na sa manhunt operation ng pulisya ang anim sa 15 persons Under police custody (PUPC) na pumuga sa kanilang temporary detention facility sa Caloocan City, Huwebes ng madaling araw. Ayon kay Caloocan police chief P/Col. Dario Menor, 15 PUPCs ang tumakas bandang ala-1:50 ng madaling araw sa pamamagitan ng maliit na butas na […]