• July 13, 2024
  • Ang Diyaryong Pinagkakatiwalaan

De Lima positibo sa COVID-19, nagkasintomas ‘matapos court hearings’

TINAMAAN  na rin ng kinatatakutang COVID-19 si dating Sen. Leila de Lima, bagay na matagal na raw niyang inaasahang mangyari dahil sa palagiang “siksikang” hearings sa korte kaugnay ng hinaharap na mga kaso.

 

 

“Tested positive yesterday for COVID-19 from both antigen and RT-PCR tests,” sabi ni De Lima sa isang pahayag ngayong Lunes.

 

 

“When attending recent hearings in the two remaining trumped-up charges, with practically jampacked courtrooms, I felt it was just a matter of time before contracting the virus.”

 

 

Sabado lang daw nang magsimulang magkaroon ng sipon, makating lalamunan, masakit na katawan at mainit na pakiramdam ang opposition figure, isang araw matapos ang isang pagdinig.

 

 

Kasalukuyang nasa self-isolation ang dating senadora habang umiinom ng anti-viral medicines at nagpapagaling.

 

 

Inabisuhan naman na ni De Lima ang kanyang mga nakasalamuha sa November 4 hearing na obserbahan ang sarili, kasama na riyan ang kanyang mga abogado, prosecutors, saksing si dating Bureau of Corrections (BuCor) officer-in-charge Rafael Ragos, police escorts atbp.

 

 

“I hope no one else got infected under such a setting. I’ll be fine,” sabi pa niya.

 

 

“Thank you for all the prayers and concern.”

 

 

Kasalukuyang humaharap pa rin sa dalawang drug-related cases si De Lima, bagay na sinasabi niyang gawa-gawa lang daw laban sa kanya bilang kritiko ni dating Pangulong Rodrigo Duterte.

 

 

Isa sa tatlo niyang mga kaso ang ibinasura na ng korte, ito habang bumaliktad pabor sa kanya ang mga dating tumestigo para sa kanya.

 

 

Bago ito, ilang beses na noong nabigyan ng medical furlough si De Lima dahil sa sari-saring problema sa kalusugan.

 

 

Nangyayari ang lahat ng ito ngayong inaprubahan na ni Pangulong Ferdinand Marcos Jr. ang Executive Order 7, bagay na nagpapahintulot sa boluntaryong pagsusuot ng face masks kahit sa indoor settings. (Daris Jose)

Other News
  • TOM HANKS PLAYS THE SHADY MANAGER OF “ELVIS” PRESLEY

    OSCAR-WINNER Tom Hanks stars as Elvis Presley’s enigmatic manager, Colonel Tom Parker in Warner Bros.’ “Elvis,” an epic, big-screen spectacle from visionary, Oscar-nominated filmmaker Baz Luhrmann that explores the life and music of Elvis Presley (Austin Butler).       [Watch the new “Elvis” spot at https://youtu.be/FXswEG3eH8Y]     As told by Parker, the film […]

  • IOC, nagbanta na parurusahan amg mga atleta na magpoprotesta sa Tokyo Olympics

    Nagpaalala ang International Olympic Committee (IOC) sa mga atleta na dadalo sa Tokyo Olympics na huwag magbabalak na lumuhod at magtataas ng kamao bilang suporta sa racial equality.     Ayon sa IOC na hindi sila magdadalawang isip na parusahan ang mga sinumang atleta na gagawin ang nasabing hakbang.     Nakasaad kasi sa IOC […]

  • 4 na lungsod sa NCR nabakunahan na ang kalahati ng populasyon

    May apat na lungsod sa National Capital Region (NCR) ang nakalahati na ng kanilang populasyon ang naturukan ng first dose ng COVID-19 vaccine.     Nangunguna rito ang San Juan City kung saan mayroong halos 70,000 sa populasyon nito o 81.5% sa lungsod ang naturukan ng unang dose ng COVID-19 vaccine.     Sumunod ang […]