Delay sa allowance ng mga health workers mula sa tatlong pampublikong pagamutan, sisilipin ni Sec. Roque
- Published on February 12, 2021
- by @peoplesbalita
MAGSASAGAWA ng validation si Presidential Spokesperson Harry Roque hinggil sa ulat na may umaalmang mga health workers bunsod ng pagkaka-antala ng kanilang allowance.
Batay sa impormasyon, mula umano ito sa tatlong government hospitals.
Ani Sec. Roque, makikipag-ugnayan siya sa DOH Finance upang malaman ang katotohanan sa napaulat na delay.
Aniya pa, dati ng nagalit si Pangulong Duterte nang nalaman nitong hindi nari-release ang bayad sa mga medical frontliners.
Kumbinsido si Sec. Roque na kung totoo man ang napabalitang muling delay sa allowance ng mga health workers ay may balidong dahilan at hindi papayag ang mga nasa likod ng pagri- release ng budget na muli silang masita ni Pangulong Duterte.
“Let me validate po muna itong impormasyon na ito dahil kung naalala ninyo ‘no si Presidente mismo ang nagalit noong nalaman niya na hindi nari-release itong mga bayad ng ating medical frontliners. Kampante naman po ako na dahil—na minsang naboldyak na ng Presidente iyong dapat boldyakin sa pag-delay ng release ng ganitong benepisyo sa medical frontliners ay mayroon sigurong very valid reason kung totoo ‘no,” ayon kay Sec. Roque
” But let me validate, Jam, first ‘no. Right after this program, I’ll get in touch with the DOH finance people,” aniya pa rin. (Daris Jose)
-
Bibigyan din ng special award si Sharon: VILMA at ALDEN, tinanghal na Best Actress at Best Actor sa GEMS Awards
ANG GEMS Hiyas ng Sining ay isang samahang nagbibigay- pagkilala sa mga katangi-tanging alagad ng sining sa larangan ng PANULAT, DIDYITAL,TANGHALAN, RADYO, TELEBISYON, at PELIKULA. Magdaraos na ng live o virtual awarding sa itatakdang petsa at lugar sa taong ito. Narito na ang mga nagsipagwagi at pagkakalooban ng espesyal na karangalan sa 8th […]
-
Kelot tinodas ng riding-in-tandem sa Malabon
DUGUANG humandusay ang katawan ang isang lalaki matapos pagbabarilin ng isa sa dalawang hindi kilalang mga suspek na magkaangkas sa motorsiklo habang nakatayo sa harapan ng inuupahang apartment sa Malabon City, kamakalawa ng gabi. Dead-on-arrival sa Manila Central University (MCU) Hospital sanhi ng tinamong mga tama ng bala sa iba’t-ibang bahagi ng katawan […]
-
De Lima pinayagan nang magpiyansa
PINAYAGAN na ng Muntinlupa regional trial court na makapagpiyansa sa halagang P300,000 ayon sa korte si dating senadora Leila de Lima matapos ang halos pitong taong pagkakakulong dahil sa mga kasong may kaugnayan sa droga. Sa pagdinig nitong Lunes, Nobyembre 13, 2023 sa natitirang kasong may kaugnayan sa droga, pinayagan ni Judge Gener […]