• February 17, 2025
  • Ang Diyaryong Pinagkakatiwalaan

DepEd, ipauubaya na sa OSG ang paghahain ng kaso hinggil sa biniling ‘pricey’ laptop

IPAUUBAYA na ng Department of Education (DepEd) sa Office of the Solicitor General (OSG) ang paghahain ng kaso laban sa mga opisyal at tauhan na sangkot sa di umano’y biniling overpriced laptop.

 

 

Sa isang Viber message, siniguro ni DepEd spokesperson Michael Poa na handa silang tanggapin ang official report ng  Senate Blue Ribbon Committee. Ito’y may kinalaman ukol sa pagbili ng laptop ng DepEd sa pamamagitan ng Procurement Service – Department of Budget and Management o PS-DBM noong 2021.

 

 

“The filing of cases against past and present officials of the DepEd, as recommended by the Senate Blue Ribbon Committee, will be referred to the Office of the Solicitor General (OSG) for evaluation and appropriate action,” ayon kay Poa.

 

 

Tiniyak din ni Poa na kagyat na kumilos ang DepEd laban sa mga opisyal at tauhan na di umano’y sangkot sa nasabing usapin.

 

 

“There is a pending administrative case against one DepEd employee involved in the procurement,”  dagdag na wika nito.

 

 

Sa ulat, nauna nang inirekomenda ng Senate Blue Ribbon Committee ang pagsasampa ng kasong graft laban sa ilang incumbent at dating opisyal ng DepEd at PS-DBM bukod pa rito ang mga kasong falcification of public documents at perjury,

 

 

Samantala, tinitingnan din ng DepEd ang napaulat na may isa pang set ng laptops ang ibinenta sa Cebu.

 

 

“The department is now coordinating with relevant law enforcement agencies to apprehend the perpetrators,” ayon kay Poa.

 

 

Kinumpirma naman ng  DepEd  ang napaulat na pagbebenta ng laptops sa isang surplus store, orihinal na binili para sa  DepEd Computerization Program. (Daris Jose)

Other News
  • Huling quarterfinals slot hinablot ng E-Painters

    KASABAY ng panalo ng Rain or Shine ay ang tuluyan nang pagkakabuo sa eight-team quarterfinal round.   Nakahugot ng inspiradong laro mula kay James Yap, pinabagsak ng Elasto Painters ang TNT Tropang Giga, 80-74, para ibulsa ang No. 8 ticket sa quarterfinals ng 2020 PBA Philippine Cup kahapon sa Angeles University Foundation Gym sa Angeles, […]

  • Ads March 20, 2021

  • Mas marami ng mga Bulakenyo ang makikinabang sa serbisyong medikal

    LUNGSOD NG MALOLOS – Mas marami ng mga Bulakenyo ang makikinabang sa serbisyong medikal makaraang pasinayaan ng Pamahalaang Panlalawigan ng Bulacan sa pangunguna ni Gobernador Daniel R. Fernando ang bagong Outpatient Department ng Bulacan Medical Center sa isang programa na isinagawa sa bagong OPD building na matatagpuan sa Bulacan Medical Center Compound, Brgy. Guinhawa dito […]