Diaz focus muna sa gold sa 2024 Paris Olympics

PANSAMANTALANG  isasantabi ni Tokyo Olympic Games gold medalist Hidilyn Diaz ang pagbuo ng pamilya kasama ang fiance na si coach Julius Naranjo.

Sasabak pa kasi ang tubong Zamboanga City lady weightlifter sa 2024 Olympics sa Paris, France kung saan hangad niya ang ikalawang sunod na Olympic gold.

“Yes, we’re planning to have our family soon. Ako, gusto na. But we’re still aiming for Paris 2024,” wika ng 31-anyos na si Diaz sa isang panayam ni Karen Davila.

Nakatakda ngayong araw ang kasal nina Diaz at Naranjo sa Baguio City na siya ring petsa ng pagbuhat ng national weightlifter sa Olympics gold sa Tokyo, Japan.

Sa 2024 Paris Olympics ay sasalang si Diaz sa women’s 59 kilogram division matapos pagreynahan ang 55-kg class sa Tokyo Games.