Duque pabor sa ‘posibleng’ MECQ extension sa NCR Plus
- Published on April 28, 2021
- by @peoplesbalita
Sang-ayon si Health Sec. Francisco Duque sakaling ma-extend ang modified enhanced community quarantine (MECQ) sa mga lugar na sakop ng NCR Plus bubble.
Kasunod ito ng nalalapit na pagtatapos ng ipinatupad na MECQ sa NCR, Cavite, Laguna, Rizal, at Bulacan sa April 30.
Ayon kay Sec. Duque, baka kailangan pa ng hanggang dalawang linggong extension ng MECQ dahil hindi pa tuluyang humuhupa ang sitwasyon sa mga ospital.
Nababahala ang kalihim na kung luluwagan na ang quarantine classification ng NCR Plus, kung saan naitatala ang pinakamataas na bilang ng mga bagong kaso ng COVID sa nakalipas na mga buwan, ay sisirit na naman ang numero ng impeksyon.
“Ipagpatuloy muna natin ang MECQ para kitang-kita o malaki ang pagbaba ng mga bagong kaso at magkaroon ng reversal ng trend,” ani Duque sa interview ng Teleradyo.
Binigyang diin ng Health department na malaki ang papel ng healthcare utilization rate sa magiging desisyon ng pamahalaan sa susunod na quarantine status ng buong bansa.
Sa ngayon, hindi pa raw masyadong nagbabago ang sitwasyon sa mga ospital, bagamat may pagbaba na sa bilang ng mga naka-admit sa mga pagamutan.
“Kailangan kasi nakaka-manage na ‘yung healthcare system natin bago tayo unti-unting magbukas and this would be paramount in our decision that would be made by IATF by tomorrow,” ani Health Usec. Maria Rosario Vergeire sa interview ng ANC.
-
Ex-PRRD nakahandang humarap sa ICC, hinamon ang int’l criminal court
HINAMON ni dating pangulong Rodrigo Roa Duterte ang International Criminal Court (ICC) na simulan ang imbestigahan nito sa kanyang madugong war on drugs. Sa pagharap ng dating pangulo sa pagdinig ng Quad Comm, sinabi ni Duterte sa ICC na “come here and start the investigation tomorrow,” sabay dagdag na baka yumao siya bago magkaroon […]
-
Gilas hinihintay pa ang approval ng IATF para sa kanilang bubble training
HINIHINTAY pa ng Gilas Pilipinas ang go-signal ng Inter-Agency Task Force (IATF) for Emerging Infectious Disease na payagan silang magsagawa ng bubble training camp sa Calamba, Laguna sa buwan ng Nobyembre. Ito ay bilang paghahanda sa pagsabak nila sa FIBA Asia Cup Qualifiers. Kahalintulad din ito ng ginawa ng TNT Tropang Giga bago ang […]
-
Binata kulong sa pagnanasa sa dalagang pinsan sa Navotas
REHAS na bakal ang kinasadlakan ng isang 19-anyos na lalaki matapos pasukin at pagnasaan ang kanyang pinsang buo habang natutulog ang dalaga sa loob ng silid nito sa Navotas City. Naaresto ng mga tauhan ng Navotas Police Sub-Station 2 araw ng Lunes ang binatang suspek na itinago sa pangalang “Gardo” makaraang maghain ng […]