Eala pasok sa 2nd round ng W15 Manacor Leg 2
- Published on February 1, 2021
- by @peoplesbalita
Kahit mayroong anim na International Tennis Federation (ITF) women’s singles title ang kanyang kalaban ay hindi nasindak si Alex Eala.
Pinatalsik ng Pinay tennis sensation si No. 2 seed Mirjam Bjorklund ng Sweden, 6-4, 3-6, 6-3, sa se-cond leg ng W15 Manacor ITF Rafael Nadal Academy World Tennis Tour sa Mallorca, Spain.
Naisuko man ang second set ay inangkin naman ni Eala ang third set para sibakin ang 22-anyos na si Bjorklund, ang ITF No. 250 at Women’s Tennis Association (WTA) No. 315 ranked player.
Ito ang ikalawang professional women’s singles tournament ng 15-anyos na si Eala, ang ITF No. 1670 at WTA No. 1190 ranked netter, ngayong taon.
Kamakailan ay nagreyna ang iskolar ng Rafa Tennis Academy sa first leg ng W15 Manacor makaraang hiyain ang 28-anyos na si World No. 409 Yvonne Cavalle-Reimers, 5-7, 6-1, 6-2, sa finals.
Naglalaro bilang isang Junior Reserve sa torneo, haharapin ni Eala si home bet Alba Carrillo Marin sa second round.
Kasalukuyang ITF World No. 56 ang 24-anyos na si Carrillo Marin na sinilat ni Eala, 6-1, 7-6, sa isang torneo noong Nobyembre ng 2020.
Dahil sa panalo kay Bjorklund ay kumpiyansa si Eala na tatalunin din niya si Carrillo Marin papasok sa quarterfinals ng torneo.
-
235 Araw ng Kapanganakan ni “BALAGTAS” ginugunita
ORION, BATAAN —Pinangunahan ng mga opisyales sa local ng munisipyong ito kasama ang mga opisyales ng KWF, NCCA, NBDB ang paggunita ng 235 taong kaarawan ng Bayaning Makatang si Gat Francisco “Balagtas” Baltazar noong ikalawang araw ng Abril taong 2023. Na may temang “Kultura ng Pagbabasa Tungo sa Pagkakaisa.” Para sa kaalaman ng […]
-
Para talagang nagalit kaya nag-walkout: MARIAN, pinaiyak nang husto si IVANA sa ginawang prank
ALIW na aliw ang netizens, kabilang na kami, sa prank ni Marian Rivera kay Ivana Alawi kung saan napaiyak niya ito nang bonggang-bongga! Pero bago ang tsika about that, shall we say na ang ganda-ganda ng bahay nina Marian at Dingdong Dantes at suwerte si Ivana na pumayag ang Dantes couple na sa […]
-
Sa sobrang intense ng eksena nila ni Maricel: LA, nahirapang bumitaw sa role kaya dinala sa ospital
NAHIRAPANG bumitaw si LA Santos sa sobrang intense ng ‘breakdown scene’ niya kasama si Diamond Star Maricel Soriano, na naging dahilan para dalhin siya sa ospital. Hinangaan nga si LA sa naturang eksena sa ipinalisip na teaser ng ‘In His Mother’s Eyes’ na produce ng 7K Entertainment. Gumaganap silang mag-ina sa pelikula, […]