Face-to-face classes bawal pa rin- Malakanyang

MAY paghahanda nang ginagawa ang  of Education (DepEd) para sa  limited face-to-face classes.

Ito ang inihayag ni Presidential Spokesperson Harry Roque sa kabila ng  bawal pa rin ang nasabing  set- up para sa pag-aaral ng mga estudyante.

Giit ni Sec. Roque, hindi pa rin payag si Pangulong Duterte sa tradisyunal na harapang pagka-klase sabay paglilinaw sa naging pahayag ng CHED.

Aniya, na-iquote daw kasi si CHED Chairman  Popoy De Vera na inaprubahan na daw ng IATF ang limited face-to-face classes na pinapayagan sa mga low risk areas.

Subalit para kay Sec. Roque, walang ganoong direktiba at naghihintay pa sila ng instruction tungkol dito mula sa Presidente.

Maging si DEPED Secretary Leonor Briones ani Sec. Roque ay nagsabing wala nilang approval ang  programa ni VP Leni Robredo  na  face-to-face class gayung ito aniya’y bawal pa rin.

“Hindi po, naghihintay pa po tayo ng instruction sa Presidente. Bagama’t mayroon pong paghahandang ginagawa ang DepEd, hindi pa po allowed ‘yan dahil hindi pa po pumapayag ang Presidente,” ayon kay Sec. Roque.

“Nilinaw nga po ni Secretary Briones na iyong programa ni VP na mayroong face-to-face, wala po iyang approval ng DepEd at iyan po ay ipinagbabawal pa,” dagdag na pahayag nito. (Daris Jose)