• March 27, 2023
  • Ang Diyaryong Pinagkakatiwalaan

Fernando, nanawagan ng pagkakaisa at pagsunod sa batas

LUNGSOD NG MALOLOS– Nanawagan si Gobernador Daniel R. Fernando ng Bulacan sa mga Bulakenyo ng pagkakaisa at pagsunod sa batas sa pagsasailalim sa Bulacan, kasama ang iba pang lugar na kabilang sa “NCR bubble” na binubuo ng Metro Manila, Cavite, Laguna at Rizal, sa Enhanced Community Quarantine (ECQ) simula sa Lunes, Marso 29, 2021 hanggang Abril 4, 2021.

 

 

Sa kanyang Facebook live kagabi, sinabi ng gobernador na ang hakbang ng gobyerno na ilagay ang mga binanggit na lugar sa mas mahigpit na quarantine protocol ay ginawa upang mapigilan ang pagtaas ng kaso ng COVID sa bansa.

 

 

“Dama ko po ang inyong kalagayan. Matagal na tayong nakikipaglaban sa pandemyang ito at ngayon pa lamang po tayo unti-unting bumabangon sa lahat ng bagay. Sa kasamaang palad, itong sabay-sabay na paglabas ng tao, kasama po ang pagpasok ng bagong variants ay lubhang nagpabilis sa pag-akyat ng mga bagong kaso ng COVID-19. Sa isang linggong lockdown po, hiling ko po ang pagkakaisa nating lahat, pagtalima sa batas, pagpapairal ng minimum health standards, at pagdadamayan sa ating bago na namang pagsubok,” anang gobernador.

 

 

Hiniling din niya sa mga samahang panrelihiyon sa lalawigan na manalangin sa Panginoon para sa kaligtasan ng mga Bulakenyo.

 

 

“Gamitin natin ang sandaling ito ng Kuwaresma, para sa taimtim na panalangin at pagsusumamo natin sa ating Dakilang Diyos na Siyang tanging kapangyarihan na makapagpapahinto at tatapos sa pandemyang ito,” ani Fernando.

 

 

Gayundin, bilang karagdagan sa mga nauna nang inilabas na Executive Order para sa pagbabantay sa mga malakihang pagtitipon; liquor ban; at barangay ronda, sinabi ni Fernando na maglalabas siya ng isa pang Executive Order para sa mga kapitan ng barangay upang maglaan ng quarantine o isolation facility sa kani-kanilang lugar.

 

 

Ayon sa gobernador, sa ilalim ng ECQ, magkakaroon ng istriktong pagpapatupad sa pananatili sa tahanan; limitadong pampublikong transportasyon kung saan pinapayagan ang mga dyip at tricycle ngunit kailangang bantayan ang social distancing at minimum health standard protocolscurfew simula alas 6:00 ng gabi hanggang alas 5:00 ng umaga; walang operasyon ang mga mall maliban sa mga kinakailangang produkto at serbisyo na may 50% operational capacity sa mga restawran na maaari lamang para sa take-out at delivery; limitadong interzonal na paggalaw; at pinahigpit na pagbabantay sa mga checkpoint. Ngunit, aniya, hintayin ang opisyal na dokumento mula sa pamahalaang nasyunal para sa kalinawan.

 

 

Ayon sa pinakahuling tala mula sa Provincial Health Office-Public Health, noong Marso 27, 2021, nakapagtala ang Bulacan ng 2,753 kabuuang bilang ng aktibong kaso na may 384 fresh cases, 271 late cases, 156 bagong beripikang paggaling, at walang bagong beripikang pagkamatay. (Bishop Jesus “Jemba” M. Basco)

Other News
  • Nora, nakatakdang gawin ang short film na ‘Henerala Salud’

    NAKATAKDA palang gawin ni Superstar Nora Aunor ang Henerala Salud na life story ng former beauty queen from Cabuyao, Laguna, who turned rebel against the Americans.   Ayon kay Nanding Josef, Artistic director ng Tanghalang Pilipino, ang magpu-produce ng short film on the 67-year-old Salud Algabre, ay ang Tanghalang Pilipino (TP), in time for the […]

  • Jordan Clarkson, Utah Jazz sintunado vs San Antonio

    2022-2023 (77TH) NBA STANDING EASTERN CONFERENCE TEAM W L 1. Boston 24 10 2. Milwaukee 22 11 3. Brooklyn 22 12 4. Cleveland 22 13 5. Philadelphia 20 12 6. New York 18 16 7. Atlanta 17 16 8. Indiana 17 17 9. Miami Heat 17 17 10. Toronto 15 18 11. Chicago 14 19 […]

  • Kahit nagluluksa pa ang kanilang pamilya: Anak ni CHERIE na si BIANCA, ‘di nagpatinag sa mga kumwestiyon sa pag-attend sa party

    HINDI nagpatinag ang anak ni Cherie Gil na si Bianca Rogoff sa mga bashers na kumwestiyon sa pag-attend sa isang party kahit kamamatay lang ng kanyang mommy.     Binatikos ang anak ng yumaong aktres sa dating asawang na si Rony Rogoff na kilalang Israeli violinist. Hindi nagustuhan ng ilang netizens ang pag-attend niya ng […]