Fiberxers nagpatibay ng tsansa sa q’finals
- Published on September 21, 2024
- by @peoplesbalita
Pinatibay ng Converge ang tsansa sa quarterfinals matapos itumba ang Meralco, 105-97, sa PBA Season 49 Governors’ Cup kahapon sa Ninoy Aquino Stadium sa Malate, Manila.
Kumolekta si guard Alec Stockton ng bagong conference-high 27 points bukod sa 11 rebounds, 5 assists at 2 steals para sa 5-4 record ng FiberXers sa Group A tampok ang four-game winning streak.
“I really just wanna give my best for my team to win, qualify for the playoffs and that’s something that we missed last conference,” ani Stockton. “This game was close for us to clinch the playoff spot.”
Humakot si import Jalen Jones, pumalit kay injured Scotty Hopson (hip flexor injury), ng 32 markers at 10 boards sa kanyang PBA debut.
Bigo ang Bolts sa asam na back-to-back wins para sa 6-3 baraha.
Ipinoste ng Converge ang 15-point lead, 73-58, sa 5:40 minuto ng third period matapos kumamada ng 20-5 atake mula sa 51-53 agwat sa halftime.
Nagawa ng Meralco na maagaw ang unahan sa 97-96 sa likod nina import Allen Durham at rookie CJ Cansino sa huling 1:58 minuto ng fourth quarter.
Matapos ito ay ang pagbibida ni Stockton.
Nagsalpak si Stockton ng triple kasunod ang jumper at dalawang free throws para sa 103-97 kalamangan ng FiberXers sa natitirang 36.6 segundo matapos ang mga mintis ni Cansino sa 3-point at four-point line sa posesyon ng Bolts.
-
Kaso ng Dengue sa Bulacan, bumaba ng 20%
LUNGSOD NG MALOLOS – Nakapagtala ang Provincial Health Office – Public Health ng 1,395 na mga suspected Dengue cases mula Enero 1 hanggang Mayo 29, 2021 na mas mababa ng 20 porsyento kumpara sa 1,734 na kasong naitala sa parehong panahon noong nakaraang taon. Nasa edad isa hanggang 100 ang apektadong populasyon kung saan mga […]
-
Watch ‘Violet Evergarden: Eternity and the Auto Memory Doll’ in Select Cinemas
THE fantasy anime film Violet Evergarden: Eternity and the Auto Memory Doll is now showing in select cinemas nationwide. Cinemas are allowed to operate at 50 percent capacity in modified general community quarantine (MGCQ) areas. The Japanese animation film is a side-story of Violet Evergarden, based on the popular anime series. The […]
-
DEEP INSIDE MY HEART (Chapter 54) Story by Geraldine Monzon
KAMPANTE si Cecilia sa kanyang naging desisyon. Akala yata ng tatlong ulupong ay mababahag ang buntot niya. Bago umalis ay itinutok pa ni Bert ang baril niya sa sentido ni Cecilia. “3 days lang ang ibibigay naming palugit para maibigay mo ang kailangan namin. Kung hindi, alam mo na ang mangyayari Cecilia, kaya […]