• March 29, 2024
  • Ang Diyaryong Pinagkakatiwalaan

Fil-HK venture nanalo sa bidding ng P24B tunnel deal

ISANG Fil-HK venture ang nanalo sa P24 billion na tunnel deal na gagamitin sa pagtatayo upang pagdugtungin ang North-South Commuter Railway (NSCR) at Metro Manila Subway Project (MMSP).

 

 

 

Isang notice of award mula sa Department of Transportation (DOTr) ang binigay para sa Contract Package (CP) S-03B ng NSCR sa joint venture ng engineering giant First Balfour Inc. at Hong Kong – based Leighton Asia.

 

 

 

Ang CP S-03B ay nagkakahalaga ng P23.92 billion kasama na ang $14.63 million at 21.38 euros na inilaan sa civil works ng tunnel na gagawin upang magdugtong ang NSCR at MMSP.

 

 

 

Ang dalawang nasabing kumpanya ay kinuha upang magtayo ng 6.1kilometer railway kasama ang 4.7 km underground railway at 1.7 km at-grade rail. Itatayo rin ang estasyon ng FTI-NSCR kung saan pagdudugtungin ang segment hanggang estasyon sa Senate ng MMSP.

 

 

 

“The joint venture was extended 2,160 calendar days to deliver CP S-03B. As it stands, the DOTr has no yet to award CP 108 of the MMSP covering the Lawton to Senate tranche, where the subway will be linked to NSCR,” ayon sa DOTr.

 

 

 

Pagkatapos ng CP S-03B, ngayon March ay inaasahang magkaron ng awarding ng kontrata para sa CP S-030A na siyang magkukumpleto sa Manila-Taguig line (CP-03B).

 

 

 

Kapag natapos na sa 2028, ang P873.62 billion NSCR na pinondohan ng Japan ay isang rail line mula sa Clark International Airport hanggang Calamba sa Laguna.

 

 

 

Ang kumpanyang Leighton Asia ay isang unit ng CIMIC Group na kilalang may portfolio at expertise sa pagtatayo mula building design at civil infrastructure hanggang mechanical works kasama na ang gas sa mga kliente nito sa Asia at Pacific.

 

 

 

Sila ang nagtayo ng West Kowloon Terminus Station, isang pinakamalaking underground railway station sa buong mundo kung saan kasama ang Guagzhou-Shenzhen-Hong Kong Express Rail Link.

 

 

 

Samantalang ang First Balfour ay may track record naman sa planning at paggagawa ng high-value buildings at infrastructures sa larangan ng transport, water at power.

 

 

 

Kabilang na sa ginawa ng Balfour ay ang rail extension at structural rehabilitation ng Light Rail Transit Line 1. Sila rin ang kinuha upang magkaron ng expansion ang  ngayon ay depot ng LRT1 at ang pagtatayo ng Cavite extension.

 

 

 

Ang iba pa na proyekto ng Balfour kasama ang D.M. Consunji Inc. at ang Spanish multinational Acciona S.A. ay ang paggawa at pagtayo ng Cebu-Cordova Link Expressway ng Metro Pacific Group. Sila rin ang gumawa ng road widening ng North Luzon Expressway at ang tulay ng Subic.

Other News
  • Panahon na para rebyuhin ng Kongreso ang oil deregulation law- Malakanyang

    PARA sa Malakanyang, panahon na para rebyuhin ng Kongreso ang oil deregulation law.     Kasunod ito ng patuloy na pagtaas sa presyo ng langis at global supplies na tinamaan ng nagpapatuloy na labanan sa pagitan ng Russia at Ukraine.     Sa isang panayam, sinabi ni Acting Cabinet Secretary Melvin Matibag na nakatakdang talakayin […]

  • Pagpapaliban ng 2022 Barangay at SK elections, aprubado sa komite

    INAPRUBAHAN ng House Committee on Suffrage and Electoral Reforms na pinamumunuan ni Mountain Province Rep. Maximo Dalog, Jr. ang substitute bill na magliliban ng December 2022 Barangay at Sangguniang Kabataan elections sa susunod na taon.     Ang substitute bill ay pinagsama-samang mahigit sa 30 panukalang batas.     Sinabi ni Dalog na kabilang dito […]

  • Dalawang panukala para sa pagkakaroon ng Bayanihan 3, tinalakay

    Kumpiyansa si House Ways and Means Chairman Joey Salceda na sa ilalim ng House Bill 8059 o Bayanihan to Rebuild as One Act ay tataas ang GDP baseline ng bansa sa 2021 sa 1.90% at magreresulta ito sa 78,000 na trabaho.   Pangunahin target na tugunan sa bersyon ng Bayanihan 3 na inihain nila Salceda, […]