Gibo Teodoro at Dr. Ted Herbosa, nanumpa kay PBBM bilang mga bagong miyembro ng gabinete
- Published on June 8, 2023
- by @peoplesbalita
NANUMPA na sa kani- kanilang tungkulin sa harap ni Pangulong Ferdinand R Marcos Jr ngayong umaga sina Gilbert ” Gibo ” Teodoro at Dr Ted Herbosa.
Si Teodoro ay manunungkulan bilang Defense Secretary habang si Herbosa ay magsisilbing Kalihim ng Kagawaran ng Kalusugan.
Kasamang nanumpa ni Teodoro Ang kanyang kabiyak na si Monica Prieto – Teodoro habang sinamahan din ng kanyang asawa at anak ang bagong Health Secretary na si Dr Ted Herbosa sa kanyang ginawang panunumpa.
Si Teodoro ay naging kinatawan sa loob ng tatlong termino sa First District ng Tarlac at dati na ring naging Secretary of Defense sa ilalim ng administrasyon ni dating Pangulong Gloria Macapagal-Arroyo noong siya’y 43 taong gulang pa lamang.
Habang si Herbosa naman ay naging Undersecretary na rin ng DOH mula 2010 hanggang 2015 at nagsilbi bilang Special Adviser ng National Task Force Against Covid-19 o IATF. (Daris Jose)
-
Ads February 2, 2022
-
Mojdeh magpapasiklab sa juniors
NAIS ni World Cup finalist na magkaroon ng magandang exit sa kaniyang huling international tournaments sa juniors division. Kaya naman ibubuhos nito ang lahat ng kaniyang lakas upang makahirit ng gintong medalya sa 46th Southeast Asian Age Group Swimming Championships na ginaganap sa Bangkok, Thailand. “This will be my final SEA […]
-
Mayor Sara itinuloy ang pagtakbo sa pagka-VP
Nagdesisyon si Davao City Mayor Sara Duterte-Carpio na tumakbo sa pagka-bise presidente sa halalan sa susunod na taon kasunod na rin ng panawagan ng kanyang mga supporters na magsilbi para sa bansa. Ayon sa presidential daughter, nagdesisyon na siyang huwag nang sumali pa sa presidential bid, patunay na rito ang kanyang paghahain ng […]