• February 17, 2025
  • Ang Diyaryong Pinagkakatiwalaan

Hidilyn Diaz swak sa PSA Hall of Fame

WALANG  duda na ka­ra­pat-dapat na mailuklok sa Philippine Sportswriters Association (PSA) Hall of Fame si weightlifter Hidilyn Diaz na kauna-unahang Pi­noy athlete na nakasungkit ng gintong medalya sa Olympics.

Pormal nang iluluklok si Diaz sa San Miguel Cor­poration-PSA Awards Night na idaraos sa Enero 27 sa Manila Hotel.

Hindi malilimutan ang ta­gumpay ni Diaz nang ma­ibulsa nito ang gintong me­dalya noong 2020 Olympics sa Tokyo, Japan pa­ra basagin ang ilang de­kadang pagkauhaw ng Pilipinas sa gold medal sa Olympics.

Kaya naman bibigyan ito ng natayanging para­ngal para saluhan sa ma­ningning na programa si first ever Filipino Olympic double-gold medalist Carlos Yulo na ta­tanggap ng Athlete of the Year award sa progra­mang inihahandog ng Are­naPLus, Cignal at MediaQuest.

Makakasama nina Diaz at Yulo ang iba pang at­leta at mga personalidad sa event na suportado ng Philippine Sports Commission, Philippine Olympic Committee, MILO, PLDT/Smart, Senator Bong Go, Januarius Holdings, PBA, PVL at 1-Pacman Party List.

Isa lamang si Diaz sa listahan ng mga legendary athletes na nasa Hall of Fame.

Kabilang dito sina late track and field great Lydia De Vega, bowlers Paeng Ne­pomuceno at Bong Coo, chess grandmaster Eugene Torre, pool idol Ef­ren ‘Bata’ Reyes, late FIDE president Florencio Campomanes at Manny Pacquiao.

Matagumpay ang ka­rera ni Diaz na humakot ng kabi-kabilang gintong medalya sa Southeast Asian Games at Asian Games at sa World Championships at Asian Championships.

Isa lamang si Diaz sa apat na Pinoy athletes na nakasungkit ng dalawang medalya sa Olympics.

Bukod sa ginto ay may pilak din ito sa Rio Olympics noong 2016.

Kasama ni Diaz sa mga double medalists si­na Yulo (dalawang ginto), Nesthy Petecio (isang pilak at isang tanso) at Teofi­lo Yldefonso (dalawang tanso).

Other News
  • Sinuspinde ng NCAA ang mga referee matapos ang disqualifying foul ni Egay Macaraya

    Walang katiyakang sinuspinde ng NCAA ang tatlo pang opisyal ng laro noong Biyernes, kasunod ng kontrobersyal na tawag sa laro sa pagitan ng San Sebastian at College of St. Benilde noong Martes.   Ang mga referee na sina Ricor Buaron, Roldan Dionison at Karlo Vergara ay sinuspinde hanggang sa susunod na abiso dahil sa pagpapatalsik […]

  • Malakanyang, pinalagan ang ‘hallucination’ ni Digong Duterte na attack dog ng admin si Trillanes

    AYAW patulan ng Malakanyang ang alegasyon ni dating Pangulong Rodrigo “Digong” Roa Duterte na isang ‘attack dog’ ng administrasyon si dating senator Antonio Trillanes IV dahil sa pinakabagong banat at atake ng huli sa una.   “Mahirap nang pumatol sa ganyan. Hallucination na ‘yan,” ang sinabi ni Executive Secretary Lucas Bersamin sa mga mamamahayag sa […]

  • Inalis na P3.8 billion sa health facilities enhancement fund, ibalik

    PINABABALIK  ni Deputy Speaker at Batangas Rep. Ralph Recto ang tinanggal na P3.8 billion sa health facilities enhancement fund at gamitin ito para sa medical specialty centers law.     Ang apela ay ginawa ng mambabatas matapos lagdaan ni Pangulong Marcos ang batas na magtatayo ng mga Specialty Centers sa mga piling DOH hospitals.   […]