• July 13, 2024
  • Ang Diyaryong Pinagkakatiwalaan

Higit 6K tradisyunal na jeep sa MM, balik pasada ngayon

Balik pasada na simula ngayon, Hulyo 3, ang 6,002 tradisyunal na jeep sa Metro Manila makalipas ang mahigit tatlong buwang tigil-operasyon bunsod ng community quarantine sa gitna ng COVID-19 pandemic.

 

Base sa guidelines na inilabas ng Land Transportation Franchising and Regulatory Board (LTFRB) tanging ang mga maituturing na “road worthy” traditional jeepneys lamang at iyong may valid Personal Passenger Insurance Policy ang papayagang makabiyahe sa 49 number-coded routes.

 

Sa halip na kumuha pa ng special permit ang kailangan na lamang kunin ng mga operators at drivers ay QR Code, na available naman sa website ng LTFRB.

 

Pinatitiyak din ng LTFRB sa mga operators na fit to work ang kanilang mga drivers at walang nararanasang sintomas ng COVID-19.

 

Bukod sa routine pre-dispatch inspection, iginiit ng LTFRB na kailangan magkaroon din ng disinfection sa loob ng tradisyunal na jeep bago ito bumiyahe, at ang mga drivers ay dapat palagiang nakasuot ng face mask at gloves.

 

Ang mga pasahero ay dapat na nakasuot din ng face mask at hinihikayat na hangga’t maari ay eksaktong halaga ang pamasahe na ibayad sa fare collection system tulad nang drop box para maiwasan ang transmission ng COVID-19.

 

Hangga’t maari ay magkaroon din anila dapat ng footbath sa hakbang paakyat ng tradisyunal na jeep at disinfection ng mga upuan at hawakan.

 

Ang bilang ng isasakay na pasahero ay hindi dapat lalagpas sa 50 percent ng kanilang passenger seating capacity at dapat one-seat apart, na maaring ipatupad naman sa pamamagitan nang paglagay ng barriers na may isang metrong pagitan.

 

Mananatili naman sa P9 ang pamasahe sapagkat ayon sa LTFRB ay walang fare adjustment na gagawin.

 

Inoobliga rin ang mga operators at drivers na magbiga ng Passenger Contact Form sa mga pasahero para sa contact tracing ng pamahalaan.

 

Sinumang lalabag dito ay pagmumultahin at/o kanselasyon o suspensyon ng kanilang Certificate of Public Convenience o Provisional Authority na makabiyahe.  (Daris Jose)

Other News
  • “THE MATRIX RESURRECTIONS” TAKES OVER EDSA AS FILM OPENS IN PH CINEMAS

    IS Manila inside The Matrix?    Motorists could have asked that question last January 5 when major billboards along EDSA flashed “Return to the Source” and “Follow the White Rabbit” and iconic green digital rain for a literal Matrix takeover.  This “roadblock” activation is in celebration of “The Matrix Resurrections” which opens in Philippines yesterday, January […]

  • PAGRERETIRO NG 3 COMMISSIONER, HINDI APEKTADO ANG HALALAN

    TINIYAK  ng Commission on Elections (Comelec) nitong Huwebes na ang kanilang paghahanda para sa halalan sa Mayo ay hindi mahahadlangan ng pagreretiro ng tatlong senior officials .     Ayon kay Comelec Spokesperson James Jimenez, ang nasabing preparasyon  ay matagal nang ginagawa at natugunan na sa nakaraang buwan     “Remember that when running the […]

  • “Guko” nalambat sa baril at shabu sa Navotas

    REHAS na bakal ang kinasadlakan ng isang mangingisda matapos makuhanan ng baril at shabu makaraang masita dahil walang suot na damit habang naglalakad sa Navotas City.     Kinilala ni Navotas police chief Col. Dexter Ollaging ang naarestong suspek na si Angelito Jaime alyas “Guko”, 20, (user/listed) ng 95 B. Cruz St., Brgy. Tangos North. […]