• March 29, 2024
  • Ang Diyaryong Pinagkakatiwalaan

Hindi aatras ang Philippine ships sa WPS, patayin man ng China

MATAPOS kuyugin ng iba’t ibang kritisismo ang kanyang campaign promise para sa mga mangingisda sa pinagtatalunang West Philippine Sea ay “joke”, binalaan ni Pangulong Rodrigo Roa Duterte ang Beijing na hindi niya iaatras ang Philippine ships mula sa pinagtatalunang katubigan kahit mapatay pa siya ng China.

 

Sa Talk To The People ni Pangulong Duterte, Huwebes ng gabi ay sinabi ni Defense Secretary Lorenzana sa Pangulo na ang Pilipinas ay mayroong 2 barko sa West Philippine Sea, na gumagala sa paligid ng Kalayaan islands at Mischief Reef.

 

“I’d like to put notice sa China. May 2 barko ako d’yan … I am not ready to withdraw. I do not want a quarrel, I do not want trouble. I respect your position, and you respect mine. But we will not go to war,” ayon sa Pangulo.

 

Hindi kailanman aatras ng kahit na isang pulgada ang Philippine ships.

 

“Hindi talaga ako aatras. Patayin mo man ako kung patayin mo ako, dito ako. Dito magtatapos ang ating pagkakaibigan,” giit ni Pangulong Duterte.

 

Sa ulat, hindi maitatago ng ilang mga mangingisda sa Infanta, Pangasinan ang sinabi ni Pangulong Rodrigo Duterte na “pure campaign joke” lang ang sinabi niya noong pag-jetski sa Scarborough shoal para igiit ang karapatan ng mga Pinoy.

 

Sa Dagupan City, Pangasinan idinaos ang 2016 Presidential Townhall Debate ng ABS-CBN kung saan libo-libo ang dumalo, kasama ang mangingisdang si Carlo Montehermozo.

 

Isa siya sa mga mapalad na nakapagtanong sa mga kandidato.
“Ano po ba ang puwede ninyong gawin para sa aming mangingisda upang matulungan kami na hindi maitaboy ng Chinese Coast Guard at para makapamingwit kami nang mabuti at mayapa?” tanong ni Montehermozo.

 

Nangibabaw ang sagot noon ni dating Davao City Mayor at ngayo’y pangulo na si Duterte na sinabing magje-jetski siya para itanim doon ang watawat ng Pilipinas.

 

Pero nitong linggo, makalipas ang 5 taon, ibinunyag ni Duterte na biro lang ang sinabi niya at sinabing “istupido” ang mga naniwala dito.

 

Dismayado si Montehermozo lalo’t kabilang siya sa mga naniwala at bumoto kay Duterte noong nakaraang halalan.
“Nagsinungaling naman siya sa amin, hindi naman tinupad iyong ano niya, iyong sinabi niya sa amin… Dapat hindi joke ang sabihin niya, gawin niya iyong sinabi niya sa akin, para hindi naman kami mukhang tanga doon sa Scarborough na ganito ang ginagawa sa amin,” hinaing niya.

 

Ayon kay Montehermozo, walang nagbago sa sitwasyon sa Scarborough shoal mula nang umupong pangulo si Duterte.

 

Naroon pa rin ang Chinese coast guard at tinataboy ang mga mangingisdang pumapasok sa Scarborough.
Pinagtitiyagaan na lang nina Montehermozo ang ano mang mahuhuli sa gilid ng Scarborough para lang maitawid sa hirap ng buhay ang kanyang pamilya.

 

“Iyon nga ang masaklap doon eh, hindi kami nakakapasok doon sa loob. Pati bangka namin na malalaki… Diskarte na lang ginagawa namin para makapangisda sa loob,” ani Montehermozo.

 

Nang itaboy noong 2015 ng Chinese coast guard ang tropa nina Montehermozo, kasama niya ang pinsang si Efren na patagong kumuha ng video ng mga pangyayari.

 

Isa rin siya sa mga umasa sa pangako ni Duterte na mapoprotektahan na sila.

 

“Tuwang tuwa ako kasi ipagtatanggol ang mangingisda, pero hindi naman niya tinupad eh, hanggang sa salita lang iyan siguro… Kung ganoon nalang din po hindi na po ako boboto,” ani Montehermozo. (Daris Jose)

Other News
  • P102-B rehab ng NAIA, tengga sa mga isyu

    Naaantala ang P102 billion na proposal ng consortium ng pitong conglomerates upang sumailalim sa rehabilitation ang Ninoy Aquino International Airport (NAIA) dahil kailangan munang bigyan pansin ang mga issues na nauukol dito. Sa isang panayam kay Department of Transportation (DOTr) Secretary Arthur Tugade, kanyang sinabi na may dalawang issues ang hindi pa nareresolba ng consortium […]

  • Tiniyak ni PBBM: China, hindi pipigilan ang mga Pinoy na mangisda sa West PH Sea

    PUMAYAG ang bansang Tsina na mangisda ang mga Filipinong mangingisda sa  West Philippine Sea.     Apektado na kasi ang ikinabubuhay ng mga mangingisdang Filipino dahil sa presensiya ng Chinese maritime forces sa pinagtatalunang lugar.     Tinuran ng Chief Executive na  bahagi ng kasunduan ng Manila at Beijing, hindi umano pipigilan ng China ang […]

  • Siguradong malapit na ang kasal: Pamilya ni ARJO, namanhikan na sa pamilya ni MAINE

    NAMANHIKAN na si Arjo Atayde at ang pamilya niya sa kay Maine Mendoza at sa pamilya nito. Siyempre, lalo na at isang Bulakenya si Maine, talagang ipinakita naman nina Sylvia Sanchez at ng kanyang mister na si Art Atayde ang nakaugalian o tradisyon na pamamanhikan. Hindi na ipinakita, pero siguradong napakaraming dalang pagkain nina Sylvia […]