• February 9, 2025
  • Ang Diyaryong Pinagkakatiwalaan

HVI drug suspect nasilo sa Navotas buy bust, higit P.3M droga, nasabat

ISANG drug suspect na itinuturing bilang High Value Individual (HVI) ang timbog matapos makuhanan ng mahigit P.3 milyong halaga ng shabu nang kumagat sa ikinasang buy bust operation ng pulisya sa Navotas City.

Sa kanyang ulat kay Northern Police District (NPD) Acting Director P/Col. Josefino Ligan, sinabi ni Navotas police chief P/Col. Mario Cortes na nakatanggap ng impormasyon ang mga operatiba ng Station Drug Enfortcement Unit (SDEU) hinggil sa pagbebenta umano ng droga ni alyas ‘Eman’, 46, ng Brgy, NBBN.

Isinailalim ng SDEU sa validation ang suspek at nang positibo ang report, ikinasa nila ang buy bust operation sa pangunguna ni P/Capt. Luis Rufo Jr, sa koordinasyon sa PDEA matapos isa sa kanyang mga tauhan ang nagawang makipagtransaksyon kay ‘Eman’ ng droga.

Dakong alas-10:35 ng gabi nang dakmain ng mga tauhan ni Capt. Rufo ang suspek matapos tanggapin ang marked money mula sa pulis na nagpanggap na buyer sa V De Guzman St., Brgy. Bangkulasi.

Nakumpiska sa suspek ang nasa 54.39 grams ng hinihinalang shabu na may estimated street value na P369,852.00 at buy bust money.

Sinampahan ng SDEU ang suspek ng kasong paglabag sa Sections 5 at 11 sa ilalim ng Article II ng RA 9165 o ang Comprehensive Dangerous Drugs Act of 2002 sa Navotas City Prosecutor’s Office.

Pinapurihan naman ni Col. Ligan ang mga operatiba sa kanilang dedikasyon at pambihrang pagganap sa panahon ng operation.

“This significant seizure is a direct result of our relentless efforts to dismantle illegal drug operations within our jurisdiction. Disrupting the supply chain and preventing these dangerous substances from reaching our communities are major achievements,” pahayag niya. (Richard Mesa)

Other News
  • Kaya thankful sa kanyang management: RONNIE, tuloy lang ang projects kahit busy sa pag-aaral

    THANKFUL ang singer-actor na si Ronnie Liang sa Viva Artists Agency (VAA) dahil kahit na naging abala siya sa kanyang pag-aaral at sa Philippine Army, tuloy lang daw ang pagbigay sa kanya ng projects.     “I’m very grateful to Boss Vic (del Rosario), Ma’m Veronique (del Rosario), and Boss Vincent (del Rosario) for all […]

  • “Wolf Man” pays homage to classic monsters and body horror with its practical and visual effects

    BRINGING the Wolf Man to life is a monumental feat, and wanting to honor the original 1941 classic of the same name, director Leigh Whannell channels inspiration from horror history. “If you think about that look that was created for Boris Karloff’s Frankenstein in 1931 or Lon Chaney’s Wolf Man in 1941, those were things that audiences had never seen,” Whannell says. […]

  • Bise Presidente Robredo, sinamahan ang mga boluntaryong Bulakenyo sa pagdiriwang ng Buwan ng Kababaihan

    LUNGSOD NG MALOLOS- Sinamahan ni Bise Presidente Maria Leonor “Leni” G. Robredo ang libu-libong boluntaryong Bulakenyong Mother Leader at Lingkod Lingap sa Nayon mula sa Una at Ikalawang Distrito sa pagdiriwang ng International Women’s Month sa kanilang pagtitipon na ginanap sa Bulacan Capitol Gymnasium sa lungsod na ito noong Sabado.     Sinalubong ang ikalawang […]