• March 24, 2023
  • Ang Diyaryong Pinagkakatiwalaan

IATF, NHA namahagi ng 672 housing units sa Capiz – Nograles

Pinangunahan ni Cabinet Secretary Karlo Nograles kasama ang national and local officials ang 14th virtual turnover ceremony ng Yolanda housing units, sa pagkakataong ito ay sa bayan ng Ivisan, Capiz noong Nobyembre 17, 2020 sa ilalim ng pangangasiwa ng Yolanda Permanent Housing Project sa Rehiyon 6.

 

Si Nograles, ang namumuno sa Inter-Agency Task Force for the Unified Implementation and Monitoring of Rehabilitation and Recovery Projects and Programs in Yolanda-affected Areas.

 

Sa kanyang online message, pinasalamatan ni Nograles ang LGU at mga katuwang na ahensya para sa kanilang kooperasyon at commitment sa pagtiyak para sa napapanahong pagkumpleto ng mahalagang legacy project ng administrasyong Duterte.

 

“Isang karangalan para sa akin na makasama kayo sa turn-over na ito. Ibinibigay natin ang buong papuri sa mga opisyal ng LGU na pinangungunahan ni Mayor Felipe Neri Yap at Vice Mayor Bito Delos Santos kasama ang lahat ng kanilang mga lokal na opisyal at kawani. Ang pagkumpleto ng Yolanda Housing Project na ito ay kapansin-pansin na nagawa natin sa gitna ng kasagsagan ng Covid-19 pandemic at mayroon tayong iba pang mga deadline sa pabahay upang matugunan,” pahayag ng opisyal ng Malacañang.

 

“Ipinaabot din natin ang espesyal na pagbanggit sa inspiring leadership ni NHA General Manager Marcelino Escalada, Regional Manager Engr. Antonio Del Rosario at District Manager Dominica San Diego na lahat ay nagpamalas ng focus at determinasyon na masiyasat ang proyekto hanggang sa matapos ito. Karapat-dapat silang bigyan ng komendasyon sa kanilang pagiging totoo at dedicated public servants.”

 

Batay sa numero ng NHA, as of October 2020, sa nakaplanong 123,535 na housing units para sa Region 6, nakumpleto nang ipatayo ang 89,491 units, samantalang ang natitirang 22,869 units ay nasa iba’t ibang estado na ng konstruksyon.

 

“Inaasahan natin na ang turnover na ito ay magpapagaan sa mga alalahanin ng mga taga-Capiz, lalo na’t nasa panahon pa tayo ng bagyo. Ang mga beneficiaries ay mas mapangalagaan mula sa mga pagsusungit sa panahon. Natapos na ang ilang taong paghihintay nila para sa kanilang bago at libreng bahay na kanilang titirhan,” ayon sa Kalihim ng Gabinete.

 

Sa bahagi ni Mayor Yap, pinasalamatan niya ang Pangulo, Nograles at ang NHA sa “maayos na pagtupad sa pangako ng gobyerno na i-rehabilitate ang mga naapektuhan ng Yolanda ilang taon na ang nakakalipas. Pahahalagahan ito ng mga benepisyaryo at aalagaan ang tulong ng gobyerno sa kanila habambuhay.”

 

Tinapos ni Nograles ang kanyang mensahe sa pamamagitan ng pagtiyak sa mga taong apektado ng Yolanda na “Gagampanan namin ang lahat ng aming mga pangako sa pabahay. Ang hangarin lamang namin ay magtayo ang mga beneficiaries ng isang matatag na pamayanan sa palibot ng housing units at gawin nilang matibay na pundasyon ng pagmamahal at support centered on Filipino family.” (Daris Jose)

Other News
  • JUDY ANN, bagay na gumanap na bida sa ‘Doctor Foster’ at si JULIA naman ang ‘other woman’

    MAINGAY na agad ang adaptation na gagawin ng ABS-CBN mula nang ianunsiyo nila na nakuha nila ang rights ng Doctor Foster na orihinal sa British Television at na-adapt na ng ibang bansa.     Ang pinakahuli na nag-adapt nito ay ang South Korea at puwede rin sigurong sabihing isa sa pinaka-successful adaptation noong 2020 at […]

  • P50 milyon inilaan ng Kamara sa COVID-19 vaccine

    Naglaan ang Kamara ng P50 million mula sa kanilang internal funds para sa COVID-19 vaccination ng kanilang empleyado,  House media at lima sa pamilya ng mga ito sa oras na maging available na ang bakuna sa Pilipinas.   Mismong si Speaker Lord Allan Velasco ang nag-anunsyo nito sa isang media forum.   Gayunman, sinabi ni […]

  • P8-M halaga ng food packages, tulong ng China sa mga sinalanta ng bagyong Odette

    Nagpaabot ng tulong ang China sa mga sinalanta ng Bagyong Odette sa Pilipinas.     Ayon kay Chinese Ambassador to the Philippines Huang Xilian, naghatid ng 20,000 food packages ang China na nagkakahalaga ng P8 million sa iba’t ibang probinsya sa bansa na hinagupit ng naturang bagyo.     Kabilang na aniya rito ang probinsya […]