Invited din kaya ang kanyang special someone? : MICHAEL, hihintayin na makalabas ang natitirang housemates bago ang house blessing
- Published on June 26, 2025
- by @peoplesbalita
HINIHINTAY na lang ng Sparkle actor na si Michael Sager na makalabas ng Bahay ni Kuya ang natitirang housemates ng Pinoy Big Brother Celebrity Collab Edition bago ang kanyang house blessing.Ang mga nakalabas pa lang ay sina Shuvee Etrata, Klarisse de Guzman, Vince Maristela, Emilio Daez, Josh Ford, AC Bonifacio at Ashley Ortega.
“Actually, hinahanda ko na po ‘yung mga camera para ready na. Hinihintay ko talaga ‘yung house blessing ko kapag kumpleto na kami,” sey ni Michael.
Aminado rin si Michael na mayroong nagpapasaya sa kanya ngayon. I-reveal daw niya ito very soon.
Invited din kaya ang special someone na ito sa house blessing ni Michael?
***
DAGDAG kilig ang hatid ng hit youth-oriented show na MAKA sa pagdating ng bagong cast members na sina Mga Batang Riles stars Anton Vinzon at Raheel Bhyria, at Sparkle Campus Cutie winner Mad Ramos.
Sa MAKA, makikilala si Anton Vinzon bilang Anton Mendoza, isang Grade 12 transfer student sa MAKA Academy. Isa siyang star athlete at online sensation dahil sa husay sa basketball. Siya ang leader ng three-man basketball sensation na The B-Boys.
Kabilang sa trio ng The B-Boys si Raheel Perez, na gagampanan ni Raheel Bhyria. Matalino, mabilis, competitive, at mahusay sa strategy. Sa kabila ng pagiging mahusay sa numero, sci-fi, at coding, lumaki siyang itinatago ito dahil sa takot na mabigyan ng label at ma-bully.
Panghuling miyembro ng The B-Boys ay si Mad Sarmiento, na bibigyang-buhay ni Mad Ramos. Mahusay pumorma, maangas, dating star athlete, at sikat online dahil sa pagiging viral ng kanyang basketball videos. Sa good look at killer moves sa court, halos lahat ay kumpyansa sa kanya, pero ang hindi alam ng marami ay isa isang mama’s boy.
(RUEL J. MENDOZA)