Ipagpaliban ang pagtataas sa SSS contribution, pirmado na
- Published on June 1, 2021
- by @peoplesbalita
PINIRMAHAN na ni Pangulong Rodrigo Roa Duterte ang batas na naglalayong bigyan siya ng kapangyarihan na ipagpaliban ang pagtataas sa Social Security System (SSS) premium contributions ngayong taon.
Sa ilalim ng Republic Act (RA) 11548 na tinintahan, araw ng Miyerkules, ang pagpapaliban sa pagtataas sa SSS contribution ay magiging epektibo “for the duration of the state of calamity” dahil sa coronavirus disease 219 (Covid-19) pandemic.
Sa ulat, inamiyendahan ng RA 11548 ang RA 11199 o Social Security Act na pinapayagan ang Social Security Commission, nagsisilbing governing body sa SSS, na ipatupad ang contribution rate hike.
Ang one-percent contribution increase ay ipinataw sa mga SSS members kada dalawang taon simula noong 2019 hanggang 2025, base sa RA 11199.
Ang ibig sabihin lamang ay ang SSS members’ contribution rate ay tataas ng 13 porsiyento simula Enero 2021 mula sa contribution rate na 12 porsiyento noong 2020.
Gayunman, isinama sa RA 11548 ang bagong parirala na nagsasaad na “the implementation of one-percent 2021 increase in contribution rates and the monthly salary credits provided in this section may be suspended by the President of the Philippines for the duration of the state of calamity under Proclamation No. 929.”
Noong Marso 16 ng naaraang taon, nilagdaan ni Pangulong Duterte ang Proclamation 929 na nagdedeklara ng nationwide state of calamity bunsod ng Covid-19 pandemic.
Ang buong Pilipinas ay inilagay sa ilalim ng state of calamity sa loob ng anim na buwan, “unless earlier lifted or extended as circumstances may warrant,” ayon sa proklamasyon.
“The other scheduled contribution rates and the monthly salary credits herein provided shall continue to be valid,” nakasaad sa bagong nilagdaang batas.
“Provided, finally, that no changes in the implementing rules or administrative procedures shall be introduced by the Social Security Commission that will defer disbursement of benefits presently being enjoyed by its members,” ang nakasaad sa RA 11548.
Ang bagong batas na isinapubliko na ngayon ay magiging epektibo 15 araw matapos ang pagpapalathala sa dalawang pahayagan na may general circulation. (Daris Jose)
-
Skyway 3 toll fee simula na sa July 12
Sisimulan na ng San Miguel Corp. (SMC) ang pangongolekta ng toll fee sa Skyway Stage 3 sa darating na July 12 kung saan tumagal din ng pitong (7) buwan ang libreng paggamit ng 18-kilometer na Skyway 3. Gamit ang bagong toll fee matrix na mas mababa kaysa sa dating inihain na toll fees, […]
-
Pamahalaan walang balak gawing pribado ang NAIA
Walang balak muna ang Marcos administrasyon na ibenta o maging pribado ang pamamahala sa Ninoy Aquino International Airport (NAIA) kahit na may ginagawa at tinatayong tatlong paliparan na malapit sa Metro Manila. “The government will maintain NAIA as the country’s primary gateway as it intends to use airports around Metro Manila as […]
-
Metro Manila malapit ng magkaroon ng 6 police districts
MALAPIT ng magkaroon ng anim na police district ang National Capital Region (NCR) kasunod ng panukalang Caloocan City Police District (CCPD) na nangangailangan lamang ng green light mula sa National Police Commission (Napolcom). Ayon kay City Police Station chief Col. Ruben Lacuesta na ang panukala ay matagal nang isinumite ng mga nakatataas sa […]