Isang matinding ‘never’ at napa-eeeeew! ang anak: CIARA, malabo pang magka-boyfriend dahil tutol pa si CRIXUS

SA latest Q & A vlog ng actress na si Ciara Sotto, sinagot nga niya ang mga tanong tungkol sa status ng kanyang pakikipag-relasyon.

Naitanong kay Ciara kung may boyfriend na ba siya, pagkatapos ng paghihiwalay ng asawang businessman na si Joe Oconer noong 2016.

Nakaaaliw naman ang naging reaction ng anak nila na si Vicenzo Xose na kilala rin bilang Crixus. Maririnig kasi sa background ang matinding pagtutol ng 7 years old na anak sa pagkakaroon niya ng boyfriend o bagong karelasyon.

Isang matinding, “NEVER!” ang sabi ni Crixus.

Kaya naman tawang-tawa si Ciara sabay sabing, “Grabe ‘yung anak ko! Doon ka nga. Grabe ayaw akong magka-bf,”

Pang-aasar pa niya sa anak, “Paano kung meron na?” Napa-“Eeeeew!!!” na lang ang anak niya.

Tanong naman ng kanyang follower, “How are you and Crixus’ dad?”

“We’re good friends, okay? I think we’re co-parenting well,” sagot ni Ciara.

Never naman silang naging enemies. Constant pa rin ang pag-uusap nila ng dating asawa at ‘yun gusto niyang makita ang kanilang anak, kaya okay na sila sa ganung situasyon.

Tungkol naman sa pakikipag-deal niya sa cheating…

“I can’t deal with cheating,” mabilis niyang sagot.

“So if the guy cheats, goodbye! Bigay niyo na sa kanila kung ayaw na nila sa iyo. Bye!” dagdag pa ni Ciara.

Samantala, pinost naman ni Ciara sa kanyang Instagram ang series of photos ni Crixus na suot nito ang football uniform, may caption na, “Ready for his 2nd tournament ⚽️ #Crixiano #Football #MyLittleRonaldo.”

Pinusuan naman ito ng mga followers at celebrity friends, na halos lahat ay tuwang-tuwa at parang gulat na gulat na ganun na pala kalaki ang anak niya na moreno at lumalabas na talaga ang kaguwapuhan.

(ROHN ROMULO)