IWAS COVID-19
- Published on March 2, 2020
- by @peoplesbalita
PANDEMIC na ang COVID-19, sambit ng World Health Organization (WHO) na ibig sabihin ay mala-king bahagi na ng daigdig ang kinalatan ng virus.
Maging ang Switzerland at Austria na masyadong mahigpit sa pagbabantay para hindi makapasok ang virus ay mayroon nang tig-isang kaso. Maski sa Middle East ay nakapasok na ang COVID-19 ma-karaang may dapuan sa Iran at mismong ang de-puty health minister doon ang tinamaan. Marami na rin ang nagkaroon ng sakit sa Italy.
Sa ngayon ay nangangamba naman ang Japan na maaaring hindi matuloy ang Tokyo Olympics dahil sa pagkalat ng virus. Pumapangalawa ang South Korea sa may pinakamaraming tinamaan ng virus na umaabot na sa 1,260 at 12 na ang namamatay.
Dito sa Pilipinas, nananatili pa ring tatlo ang nagpositibo at pawang Chinese ang mga biktima na nakauwi na sa kanilang bansa. Isa naman ang naiulat na namatay.
Wala pang Pinoy na direktang nahawahan ng sakit. Ibig sabihin, naipatutupad ng pamahalaan ang mga pag-iingat at sinisigurong walang makakapasok na may taglay na virus.
Ang partial travel ban na pinag-utos ng pamahalaan sa South Korea ay isang magandang hakbang para mapigilan ang pagkalat ng COVID-19. Sa ilalim ng travel ban, hindi makakapasok sa bansa ang mga turistang nanggaling sa North Gyeongsang province, South Korea. Sa nasabing lugar nagsimula ang outbreak makaraang isang Chinese umano ang dumalo roon para sa religious rites. Halos buong miyembro ng religious sect ay nahawahan umano ng sakit.
Lahat nang paraan ay ginagawa ng pamahalaan para maiwasan ang COVID-19.
Ipatupad pa ang paghihigpit para hindi makapasok ang virus sa bansa. Ipagpatuloy ng Department of Health (DOH) ang pagpapaalala na laging maghugas ng kamay ang lahat para hindi mahawahan ng COVID-19.
Gumamit ng face mask subalit huwag namang mag-panic sa pagbili nito at baka naman maubusan ang hospital workers. Sa pag-iingat at pagiging malinis at malakas ang katawan, kusang mamamatay ang virus.
-
Pilot face-to-face classes sa pribadong eskuwelahan, nakatakda sa Nobyembre 22 —Briones
NAKATAKDA nang simulan ang pilot run ng face-to-face classes sa mga pribadong eskuwelahan sa darating na Nobyembre 22. Sa virtual press briefing ni Presidential Spokesperson Harry Roque, sinabi ni Department of Education (DepEd) Secretary Leonor Briones na target ng departamento na isama ang 20 private schools kabilang na ang international academic institutions. “Ang […]
-
Isang matinding ‘never’ at napa-eeeeew! ang anak: CIARA, malabo pang magka-boyfriend dahil tutol pa si CRIXUS
SA latest Q & A vlog ng actress na si Ciara Sotto, sinagot nga niya ang mga tanong tungkol sa status ng kanyang pakikipag-relasyon. Naitanong kay Ciara kung may boyfriend na ba siya, pagkatapos ng paghihiwalay ng asawang businessman na si Joe Oconer noong 2016. Nakaaaliw naman ang naging reaction ng […]
-
Pope Francis nakiisa na rin sa ‘global vaccination’ campaign, nakatakda magpabakuna next week
Nakiisa na rin ang Pope Francis ang pinaka mataas na lider ng Simbahang Katoliko sa global vaccination campaign laban sa nakamamatay na virus ang Covid-19. Nitong Sabado, mismong si Queen Elizabeth ng Great Britain at ang asawa nitong si Prince Philip ay binakunahan na ng Covid-19 vaccine, kahapon bagay na kinumpirma mismo ng Buckingham […]