Jaja Santiago kailangan ng Pilipinas — PNVF
- Published on May 19, 2021
- by @peoplesbalita
Kailangan ng Pilipinas si Jaja Santiago.
Ito ang inihayag ng Philippine National Volleyball Federation (PNVF) sa usap-usapang inimbitahan si Santiago na maging local player sa Japan.
Mismong si Santiago ang nagsiwalat na interesado ang Japan dahil sa magandang inilalaro nito sa Japan V.League kasama ang Ageo Medics.
Subalit nilinaw ng PNVF na hindi ito magiging madali para sa 6-foot-5 middle blocker dahil may pagdaraanan nitong proseso bago tuluyang maging naturalized player ng Japan.
Isa sa pangunahing requirement ang pagkuha nito ng clearance mula sa volleyball association na kinabibilangan nito — ang PNVF.
Kung papayag ang PNVF, kailangan na nitong makuha ang naturalization bago isumite sa FIVB upang pormal na kilalanin bilang opisyal na player ng Japan sa international tournaments.
Kaya naman nakasalalay pa rin sa PNVF kung papayagan ito o hindi.
Pero malabo itong mangyari matapos igiit ni PNVF president Tats Suzara na kailangan ito sa national team.
“I think Jaja has a future also in Japan, but again, we need Jaja, of course, here in the Philippines, as a Filipina who really brings our flag and honor as a national team player for the Philippines,” ani Suzara sa programang The Chasedown.
Wala pa namang desisyon si Santiago dahil nais pa rin nitong maging bahagi ng national team sa international events.
“Pangarap ko na maglaro sa Olympics, pero siyempre may pride pa rin naman ako, Pilipino pa rin naman ako di ba? Gusto kong tulungan ‘yung bansa natin. Gusto ko kasama ko yung mga kapwa Pilipino ko (sa Olympics),” ani Santiago sa kanyang mga naunang panayam.
-
Ryan Gosling & Emily Blunt’s On-Screen Reunion in “The Fall Guy”
GET ready for ‘The Fall Guy’ with Ryan Gosling and Emily Blunt, a high-octane homage to Hollywood’s unsung heroes, coming to Philippine cinemas! Hollywood’s glitz often overshadows the gritty, heart-thumping world of stunt performance—until now. “The Fall Guy,” featuring the dynamic duo of Ryan Gosling and Emily Blunt, is ready to catapult audiences […]
-
PH Embassy, tinulungan ang pamilya ng mga Filipinong namatay sa car crash sa NZ
NANGAKO ang Philippine Embassy sa Wellington na magpapaabot ito ng tulong sa pamilya ng mga namatay sa isang aksidente sa kalsada sa Picton, New Zealand nitong Linggo ng umaga. Sa isang public post, araw ng Martes, nagpaabot ng pakikidalamhati at pakikiramay si Ambassador to New Zealand Jesus Domingo sa pamilya ng mga biktima. […]
-
Bentahan ng alcohol sa supermarkets, limitado sa 2 bote kada kostumer – DTI
NILIMITAHAN na simula kahapon (Miyerkoles) sa 2 bote kada kostumer ang bentahan ng alcohol sa mga supermarket kasunod ng paglakas ng pagbili sa produkto bunsod ng dumaraming kaso ng coronavirus disease (COVID-19) sa bansa. Napagkasunduan ang limitadong bentahan sa pulong ng Department of Trade and Industry (DTI) sa mga manufacturer ng alcohol at may-ari […]