Jarencio positibo sa pilay na Batang Pier
- Published on March 3, 2020
- by @peoplesbalita
WALANG sablay ang NorthPort sa playoffs sa nakalipas na taon, pinakamataas na placing ang No. 2 sa midseason Commissioner’s Cup pero dalawang beses nilango ng San Miguel Beer sa quarterfinals.
Pinakamataas na tinapos ng Batang Pier ang semifinals sa season-ending Governors Cup pero milasing din ng Barangay Ginebra San Miguel sa best-of-five. Sa pagpalaot sa unang final four, tinunaw ng No. 8 NP ang twice-to-beat ng No. 1 North Luzon Expressway o NLEX – sa classic game na inabot may tatlong overtime.
Malaking tulong ang pagdating ni Christian Standhardinger sa BP mula SMB sa kalagitnaan ng season-ending conference kaya nakapapaglayag ang team ni coach Alfredo ‘Pido’ Jarencio sa second round ng playoffs.
Pero sa unang laro ni Standhardinger sa NorthPort – kontra SMB pa – ay nagka-injury si rookie Robert Bolick, ang kamador ng team. Hindi na natapos ni Bolick ang 44th o 2019-2020 season dahil sa ACL tear.
Kabi-kabila ang injury bug sa Batang Pier na maaaring hindi pa makalaro sa season-opening ng Philippine Cup na mabubukas 45th o 2020 season ng professional cage league sa Araneta Coliseum sa Marso 8.
“Matagal pa si Bolick, mga July o August pa,” komento ni Jarencio, hinirit pa ng coach na okay naman ang preparasyon nila para sa all-Pinoy, pero problema niya ang kakulangan sa tao.
“Gusto ko na ngang magpa-activate ulit,” ani Jarencio na noong kapanahunan ay naging tigasin ding gunner ng Gin Kings.
“Hindi nga kami makabuo ng team para sa full practice,” dagdag niya, nangangahulugan na walang 10 ang able bodies.
“Si Bolick wala, si (Jonathan) Grey wala. Si Bradwyn Guinto wala,” inisa-isa ni Jarencio ang kanyang injured players. “Si Christian (Standhardinger) is still hurting. Si Sean (Anthony) may calf injury.”
Injured pa rin si Kevin Ferrer. Baka sa kalagitnaan pa aniya ng taon o Commissioner’s Cup makabalik si Grey.
“Bradwyn came to practice yesterday,” balita ni Anthony sa PBA Media Day sa Okada noong Huwebes. “He’s almost there.” Hindi rin natapos ni Guinto ang nakaraang season dahil sa knee injury, pero inaasahang makakalaro na sa buwang ito.
Isa lang ang rookie ng Batang Pier, si Sean Manganti na 8th pick overall sa Draft noong December.
Sina Standhardinger at Anthony ang inaasahang makakarekober na bago ang unang komperensiya.
“Pero fight pa rin kami,” giit ni Jarencio, larawan pa rin ng never-say-die. Pipigain muna siya kina Nico Elorde, Jervy Cruz, LA Revilla, Garvo Lanete, Paolo Taha, at ang balik-NorthPort mula San Miguel na si bruiser Kelly Nabong.
Babasagin ng Batang Pier ang kampanya sa Marso 11 sa Big Dome laban sa Road Warriors.
-
Senate building nasa total lockdown: 8 senador na ang sunod-sunod na nagpositibo sa COVID-19
INIUTOS ni Senate President Migz Zubiri ang total lockdown sa Senate building sa Lunes, Aug. 22 matapos na umabot na sa pitong mga senador ang sunod-sunod na nagpositibo sa COVID-19 ngayong buwan. Dahil dito, lahat na mga Senate employees ay pansamantala muna sa kanilang “work from home” upang bigyang daan ang isasagawang disinfection. […]
-
Navotas Greenzone Park Phase 3
PINANGUNAHAN nina Mayor John Rey Tiangco at Congressman Toby Tiangco, kasama si Atty. Romando Artes, acting MMDA chairperson ang inagurasyon at pagbabasbas ng bagong bukas na Navotas Greenzone Park Phase 3 na matatagpuan R10, Brgy. North Bay Blvd. North. Ang parke ay isa sa mga Adopt-a-Park projects ng Metro Manila Development Authority (MMDA). (Richard Mesa)
-
Rizal Memorial pansamantlang isasara dahil sa isasagawang decontamination
Pansamantalang isasara ang Rizal Memorial Sports Complex ngayong sa loob ng isang araw para sa isasagawang decontamination. Sa isang panayam, sinabi ni ‘Hatid Tulong” initiative head Asec. Joseph Encabo, isasailalim sa lockdown simula alas-9:00 ng umaga ngayong Hulyo 30, 2020 ang buong complex. Ito ay matapos na mamalagi doon sa mga nakalipas na […]