JENNYLYN, kinutuban pero wala talagang idea sa pagpo-propose ni DENNIS; wish nila na magkaroon naman ng baby girl
- Published on November 3, 2021
- by @peoplesbalita
“WE are getting married,” pahayag ng mga Kapuso stars na sina Dennis Trillo at Jennylyn Mercado sa “Chika Minute” ng 24 Oras last Friday, October 29.
Inamin na rin ni Dennis na isang intimate at simple, but heartfelt proposal lamang ang ginawa niya.
“Wala akong idea tungkol sa proposal,” sabi ni Jen.
“Sabi lang niya bumaba ako dahil may isu-shoot kaming parang future message.”
Nagkaroon daw ng kutob si Jen nang magsimulang magsalita si Dennis at seryoso siyang kinakausap nito.
“Nang nagsalita na siya, naiiyak na ako, kasi ngayon ko lang siya nakita ganung ka-intense, ka-serious. Tapos lumuhod, nagulat ako,” pahayag pa ng Kapuso actress.
Ginawa raw ni Dennis ang proposal sa bahay for safety reasons dahil sa condition ni Jen, hindi siya makalabas ng bahay dahil may pinagdadaanan siyang medyo maselan.
Sa tanong kay Jennylyn kung buntis siya, sagot niya, “positive ako.” Naramdaman daw niya ang sintomas nang nagti-taping na siya ng new series niyang Love. Die. Repeat. like naging emosyonal siya, nag-acid reflux, nahihilo at delayed na ang monthly period niya.
“Sa tamang oras, na ready ka na siguro, doon siya ibibigay sa iyo,” dagdag ni Jen. “May 2 boys na kami, sana, ibigay sa amin ay baby girl.”
Seven years na together sina Jen at Dennis, kaya wait na lang tayo ng announcement kung kailan na ang wedding nila. Congratulations!
***
HINDI totoo ang mga nasulat na nagsimula nang mag-taping sina John Lloyd Cruz at new Kapuso actress Bea Alonzo para sa teleserye nila sa ABS-CBN, nang makita silang nsgsu-shoot sa BGC sa Taguig City.
Balitang sa ngayon daw ay wala pang liwanag kung matutuloy ang serye nina JLC at Bea, kaya ang pinagkakaabalahan muna ngayon ni Bea ngayon ay ang pagsu-shoot ng mga TV Commercials para libre na siya bago sila magsimula ni Asia’s Multimedia Star Alden Richards, ng lock-in shooting ng Philippine adaptation ng Korean movie na A Moment To Remember for Viva Films, GMA Pictures at APT Entertainment.
Naka-schedule na ang pagsisimula nila ng shooting ng mid-November at kung kailan ito matatapos before the Christmas break.
(NORA V. CALDERON)
-
WWE Hall of Famer Rikishi, biyaheng ‘Pinas
MAKIKITA ng mga Pinoy wrestling fan ang World Wrestling Entertainment Hall of Famer na si Rikishi. Nakatakda siyang dumating kasama ang isa pang wrestler na si Reno ‘Black Pearl’ Anoa’I para magdaos ng mga wrestling clinic sa bansa. Ang event ay para sa paglulunsad din ng World Wrestling Asia, na ang organizer ay […]
-
Nagsalita na ang taumbayan: Itigil na ang paninira sa ayuda
UMAPELA ang tatlong mambabatas sa mga kritiko ng gobyerno na itigil ang pagtuligsa sa social welfare o programang ayuda matapos na magsalita na ang publiko na nakakatulong sa kanila ang ibinibigay na ayudad ng pamahalaan. Ang apela ay kasunod na rin sa lumabas na pinakahuling survey ng Social Weather Stations (SWS) at Pulse Asia na […]
-
JANNO, in-insist talaga na makasama sina MANILYN at BING sa ipinagmamalaking dream project
SI “Mang Jose”, ang superhero na ginawa at in-introduce ng bandang Parokya ni Edgar sa kanilang sikat na awitin noong 2005 na may lyrics na, “Ang superhero na pwedeng arkilahin/Mang Jose, parang si Daimos din/Ngunit pagkatapos ay bigla kang sisingilin.” Na ngayon ay isa ng ganap na ‘superhero movie with a twist’, na […]