JOHN LLOYD, muling mapapanood sa GMA bilang special guest ni WILLIE; planong sitcom makakasama si ANDREA

LAST week, kinumpirma nga ni Willie Revillame na muling mapapanood si John Lloyd Cruz sa GMA-7.

Magsasama ang dalawa sa 6-6 Shopee Super Mega Fiesta at mapapanood ito sa Kapuso Network sa Linggo, June 6, 2 pm. na magaganap sa Smart Araneta Coliseum.

Si Willie mismo ang personal na nakipag-usap kay John Lloyd para sa special guesting nito, nang magkasama-sama sila nina direk Bobot Mortiz sa Puerto Galera at pumirma ng kontrata si Lloydie sa Wil Production ni Kuya Wil na blocktimer producer ng show.

Ito rin ang second time na mapapanood sa GMA-7. Nakapag-guest na pala si JLC sa “Sumalangit Nawa” episode ng Kakabakaba Adventures, horror anthology show ng GMA-7 noong 2004 na tumagal hanggang 2005.

Sa naganap na contract signing nabanggit ni Willie na, “Tonight is history. More to come. Welcome to your new family, my production.”

Bukod nga sa posibilidad na mag-guest si JLC sa ‘Tutok To Win’ ng Wowowin. Ang ‘real deal’ talaga ay ang pagsasama nina John Llyod at Willie sa isang sitcom na siyempre, mapapanood sa Kapuso Network.

Dalawang dekada na pala ang nakalilipas nang huling nakapasama sa isang sitcom si Willie.  Matatandaan na naging mainstay siya sa Richard Loves Lucy ng mag-asawang Richard Gomez at Lucy Torres na napanood sa ABS-CBN mula November 22, 1998 hanggang March 25, 2001.

At bilang respeto sa home network ni John Lloyd, kinausap ni Willie si ABS-CBN President and CEO Carlo Katigbak tungkol sa proyekto na gagawin nila sa GMA-7.

Pinayagan naman si John Lloyd na magtrabaho sa production ni Kuya Wil na kung saan magpa-partner sila sa isang project sa tulong ni Miss Annette Gozon-Valdes.

Rebelasyon pa ng blocktimer producer na sa pinaplano nilang sitcom, si Andrea Torres ang magiging love interest ni John Lloyd.

Kapag natuloy ang planong pagtatambal, tiyak na magiging talk of the town ito, si Andrea, ang ex-girlfriend ni Derek Ramsay na fiancé ngayon ni Ellen Adarna, na ex-girlfriend at ina ng anak ni John Lloyd.

Sa part naman ni Kuya Wil, ito na nga ang pagbabalik-sitcom niya kaya muli siyang mapapasabak sa pag-arte na isinantabi muna siya ng mahigit dalawampung taon dahil naging abala niya sa pagho-host ng game shows at maging sa pagtulong mga mahihirap at nangangailangan na mga kababayan, lalo nang nagsimula ang pandemya noong nakaraang taon.

Reaction naman ng netizens sa pagbabalik ni John Lloyd sa GMA at sa upcoming sitcom with Willie and Andrea:

“Aabangan ko to. Forever a fan.”

“What a comeback. Seriously, Sure ka na ba lloydie? Haha sa ganyang materyal talaga hahaha.”

“Maja seryoso ganito ka magmanage? Lol”

“Bad for his talent though… Shopee talaga? Di man lang one-off drama episode?”

“Abangan ang movie/sitcom sa GMA.”

“Comedy daw with Andrea Torres at Willie ang balita ko.”

“Palitan lang ng partner ‘no kung si Andrea talaga. Hehe.”

“Hindi ba parang pananadya na kung kay Andrea itambal si JL?”

“Welcome back, JLC!”

“So anong mangyayari sa Popoy at Basha movie, part 3? Di na yun matutuloy?”

“Sabi ni Direk Olive dati na tuloy kasi sina Bea at JLC ang personal na tumutulong para buo-in ang characters nila.”

“Why not, Viva na din naman si Bea. Hehe.”

“Ipinagpaalam daw ni Willie si Lloydie kay Carlo Katigbak of ABS. OK naman sila ganun din yung mga Gozons sa GMA.”

“Happy Mega Fiesta!! Hahahaha nakakatawa na ewan na comeback yan hahahah.”

“Watt? Bakit sya may pa comeback via shoppe pero si kris aquino wala man lang guesting sa GMA via shoppe after nya ma pataas ang sales ng shoppe.”

“Shopee at kay Kuya Wil talaga? Sabagay beggars can’t be chosers. Mukhang lunok lunok ng pride at hiya na lang, pera pa din yan.”

“Bongga kaya madikit sa shopee at lazada now.”

“Between you and jlc, ikaw yata ang mas beggar dae. Si lee min ho nga nag endorse ng lazada na mas big star.”

“This is exciting… Si andrea ang leading Lady niya…”

“Nice one Maja Management…come back is to “pretend to like what you are doing for the money” – he is an actor! come back nya infomercial sus money talaga.”

“sa show lng yan ni willie, sino bang pwedeng i-partner sa kanya sa GMA na ka-level nya ang acting and stellar status. movie lng sya lalabas muna, not GMA shows.”

“Wala na nganga na talaga abs cbn.. iniwan na nya.. Lol.”

“Oh C’mon it is not ABS loss. Hahahaha ABS always always has the brand new, good, money maker actor/actress. Even without JLC, ABS still made the 2x highest record breaking movies. JLC can move to wherever he wants.”

“From box office king and teleserye king to shopee.

(ROHN ROMULO)