Kaabang-abang ang pagbabalik sa serye: RICHARD, sobrang na-miss ang kulitan nila ng mga co-stars

MATATAPOS na ang ating paghihintay dahil sa wakas ay muling mapapanood sa ‘Abot Kamay Na Pangarap’ si Richard Yap.

Ang Chinito actor ang gumaganap sa karakter ni Doc RJ sa serye na siyang tunay na ama ni Dra. Analyn Santos (Jillian Ward), ang genius at pinakabatang doktor sa bansa na anak din ni Lyneth (Carmina Villarroel).

Sa isang panayam, nag-iwan si Richard ng ilang pahayag tungkol sa pagbabalik ng kanyang karakter sa afternoon series.

Ayon sa aktor, masosorpresa ang viewers ng ‘Abot-Kamay na Pangarap’ sa kanyang pagbabalik.

“Unexpected but a very pleasant surprise,” pahayag ni Richard.

Ilang panahong namalagi si Doc RJ sa ibang bansa dahil doon siya ipinagamot ng kanyang asawa na si Moira (Pinky Amador) at ng kanyang ama na si Mang Joselito/Lolo Pepe (Leo Martinez).

Ibinahagi rin ni Richard na sobrang na-miss niya ang kanyang co-stars sa trending na inspirational-medical drama series.

Sabi niya, “Na-miss ko ‘yung kulitan namin behind the scenes even though nakikita na very dramatic ‘yung mga eksena namin.

Sa pagbabalik ni Doc RJ, kaabang-abang ang ilang twist na mapapanood kaugnay ng kanyang pagbabalik sa kanyang pamilya at sa APEX Medical Hospital.

Kabilang din sa hindi dapat palampasin ay ang mga gagawin ni Doc RJ sa kanyang wicked wife na si Moira.

***

HINDI katakatakang patuloy na namamayagpag sa box office ang ‘Voltes V: Legacy: The Cinematic Experience’ dahil maging ang mga miyembro ng cast ng serye ng GMA ay nag-e-effort para sa kanilang obra.

Tulad ni Matt Lozano na personal na nagsagawa ng isang exclusive block screening, na kung saan gumaganap siyang Robert “Big Bert” Armstrong.

Kabilang sa mga dumalo sa private screening ang kapwa niya Sparkle artists, ang celebrity chefs na sina Jose Sarasola at JR Royol.

Present din ang pamilya, malalapit na kaibigan, at ilang fans ni Matt.

Samantala extended sa mga SM cinemas ang ‘Voltes V Legacy: The Cinematic Experience’ hanggang May 2 bago ang TV airing nito sa GMA sa May 8.

(ROMMEL L. GONZALES)