• July 19, 2024
  • Ang Diyaryong Pinagkakatiwalaan

Kahit noong October pa ang birthday niya: RHIAN, patuloy pa rin sa pagbigay ng kawang-gawa sa mga single mothers

TUMALAB ang pagpaparinig at pagpaparamdam ni Valeen Montenegro sa kanyang boyfriend na si Riel Manuel na gusto na niyang magpakasal. 

 

 

Heto at nag-propose na noong nakaaraang November 24 si Riel kay Valeen.

 

 

Pinost ni Valeen ang special moment na ito sa kanyang Instagram na may caption na: “Easiest YES!!! What seemed to be an ordinary Thursday, unexpectedly turned into my favorite day. Ladies and Gentlemen.. my Beyoncé! Special thanks to @mchlgonzales for capturing this moment. We will cherish you forever.”

 

 

Noong 2018 pa may relasyon sina Valeen at Riel. Tuwing may ini-interview kasi si Valeen, lagi siyang tinatanong kung kelan na ito nagpaplano na mag-settle down?

 

 

Laging sagot ni Valeen ay depende raw kung magpo-propose na sa kanya ang kanyang boyfriend, magpapakasal na raw ito agad-agad.

 

 

Sa grupo raw kasi nila sa ‘Bubble Gang’, si Valeen na lang ang hindi pa kinakasal tulad nila Chariz Solomon at Lovely Abella. Kaya gusto na raw niyang makasal para maka-relate siya kapag nagkukuwentuhan silang tatlo.

 

 

***

 

 

NOONG October 3 pa ang birthday ni Rhian Ramos pero patuloy pa rin ito sa kanyang pagbigay ng kawang-gawa sa maraming single mothers sa Sampaloc, Manila.

 

 

Noong mag-turn 32 si Rhian, imbes na magkaroon daw siya ng malaking party, mas ginusto niyang magkaroon ng panahon sa kanyang pagtulong sa mga single mothers sa tulong ng TESDA Camanava.

 

 

“It’s tough enough to earn money for your own living expenses but what if you have kids to take care of and no one to help. It’s close to my heart kasi mommy ko, single parent din.

 

 

“Gusto ko pumili ng isang programa na puwede magbago ng buhay at puwedeng makatulong talaga na long-term. Just wanted to give a great big thank you to all the sponsors again. This was a really a great event!” sey ni Rhian.

 

 

Isa sa programang pinagkaabalahan ng Kapuso star ay ang paggawa ng dishwashing liquid. Nagpamigay siya ng mga librean materials sa in-organize niyang workshop. Dagdag kita raw ito para sa mga single mothers. Namigay din si Rhian ng maagang pamasko sa mga ito.

 

 

Mukhang nahawa na si Rhian sa pagiging charitable ng kanyang boyfriend na si Sam Verzosa na kasalukuyang miyembro ng Philippine House of Representatives dahil sa party list nito na Tutok To Win.

 

 

***

 

 

MASAYANG-MASAYA ang mgs fans ng Koreanovela na ‘Crash Landing On You’ dahil ang mga bida na sina Hyun Bin and Son Ye-jin ay meron ng baby boy.

 

 

Ayon sa Vast Entertainment and MS Team Entertainment, kinumpirma nila na sinilang na ni Son ang isang baby boy noong nakaraang November 27. Nasa mabuting kalagayan naman daw ang mag-ina.

 

 

Inaabangan ng HyunSon fans ang pagbuo ng pamilya ng dalawang sikat na SoKor stars simula pa noong kinasal sila.

 

 

Kinasal sina Hyun Bin at Son Ye-jin noong March 31 at noong June ay in-announce nila na magkakaroon na sila ng baby. October naman noong i-announce nila na boy ang magiging panganay nila.

 

 

Naging hit noong magkroon ng pandemic in 2020 sa Netflix ang series na Crash Landing On You na tungkol sa isang South Korean heiress na nag-crash ang parachute sa North Korea at ma-in love sa isang sundalo roon. Kinunan ang maraming eksena ng series sa bansang Switzerland.

 

 

Bago sila magsama sa naturang series, una silang nagkasama sa pelikulang The Negotiation in 2018.

(RUEL J. MENDOZA)

Other News
  • PBBM, magpapartisipa sa ‘Climate Change Convention’ sa Dubai

    NAKATAKDANG lumipad si Pangulong Ferdinand R. Marcos Jr. patungong  Dubai, araw ng Huwebes, para magpartisipa sa 28th Conference of the Parties to the United Nations Framework Convention on Climate Change (COP28), ilang buwan matapos siyang imbitahin ng United Arab Emirates (UAE) government nito lamang Hunyo ng taong kasalukuyan.     Personal kasi na inimbitahan ni […]

  • Gobyerno, gagawing ‘better, more responsive’ ang healthcare system sa bansa

    HANGGANG sa matapos ang kanyang termino sa Hunyo 2022 ay nangako si Pangulong Rodrigo Roa Duterte na gagawin niya ang lahat ng kanyang makakaya para palakasin ang healthcare system sa bansa.     Ang pangakong ito ng Pangulo ay makaraang purihin nito ang inagurasyon ng bagong Dr. Jose Fabella Memorial Hospital (DJFMH) sa San Lazaro […]

  • DILG, PNP gigisahin sa ambush at patayan

    NAGPAHAYAG ng pag­kabahala si House Speaker Martin Romualdez sa sunud-sunod na patayan sa iba’t ibang panig ng bansa kaya nagpasya itong ipatawag ang Department of Interior and Local Government (DILG) at Philippine National Police (PNP).     Ayon kay Romualdez, isang emergency hearing ang kanilang isasagawa ngayong Lunes bunsod ng sunud-sunod na ambush sa ilang […]