KAPISTAHAN NG STO. NIÑO SA MAYNILA, NAGING MATAGUMPAY AT MAPAYAPA
- Published on January 21, 2021
- by @peoplesbalita
SA kabuuan, naging mapayapa ang pagdiriwang ng Kapistahan ng Sto. Niño sa Tondo at Pandacan bunsod na rin sa maagang paghahanda ng lokal na pamahalaang lungsod ng Maynila sa pamumuno ni Mayor Isko Moreno Domagoso katuwang ang buong kapulisan ng Manila Police District (MPD).
Pinasalamatan naman ni Domagoso ang publiko partikular na ang mga deboto ng Sto. Niño dahil sa pagkakaroon nila ng kusang disiplina at pagsunod sa ipinapatupad na minimum health protocols dahil na rin ng nararanasang pandemya dulot ng COVID-19.
Bukod sa mga deboto, pinasalamatan din ng Alkalde ang buong MPD sa pamumuno ni District Director P/Brig. Gen. Leo Francisco dahil sa agaran nilang paghahanda ilang araw bago pa man ipagdiwang ang nasabing Kapistahan.
Pinaigting ni Gen. Francisco ang “police visibility” sa mga lugar na sakop ng pagdiriwang ng Kapistahan ng Sto. Niño partikular na sa Tondo at Pandacan kung saan mahigpit nilang ipinatupad ang mga umiiral na batas at kautusan ng Alkalde tulad ng pagsusuot ng facemask, liquor ban, at pagsunod sa health protocols tulad ng physical distancing.
Ipinatupad din ng MPD ang “zero vendor” at “zero obstruction” sa paligid ng simbahan sa Tondo at Pandacan kaya’t naging maayos, maaliwalas at maluwag ito para sa mga deboto na nagsimba at nakiisa sa Pista ng Sto. Niño.
Batay naman sa datos ng MPD, umabot lamang sa kabuuang bilang na 26 ang lumabag sa ipinapatupad na liquor ban sa Tondo at Pandacan nitong nagdaang kapistahan. (GENE ADSUARA)
-
Estados Unidos, “looking forward” sa ‘malakas at produktibong relasyon” sa bagong Pangulo ng Pilipinas — diplomat
“LOOKING forward” ang Estados Unidos sa malakas at produktibong relasyon sa magiging bagong Pangulo ng Pilipinas maging sino man ang mananalo sa national elections sa Mayo. Binigyang diin ni Embassy Charges d’Affaires Heather Variava na ang relasyon sa pagitan ng Pilipinas at Estados Unidos ay “deeply rooted in shared values and its strong […]
-
Walang planong magkabugan o magsapawan: RITA, sinisiguradong magugustuhan ang mga pasabog nila sa ‘Queendom Live’
WALA raw plano na magkabugan o magsapawan ang mga reyna sa ‘Queendom: Live’ concert na gaganapin mamayang gabi, December 2, sa Newport Performing Arts Theater, 8 p.m. Lahad ni Rita Daniela, “Siguro, I’m just really excited sa mangyayari sa Saturday. “Sobrang marami kaming hinandang pasabog talaga. “Definitely, sinisigurado namin […]
-
Muling magsasama after 20 years: CHRISTOPHER, ididirek si VILMA sa ilang eksena sa pelikula
TWO weeks na palang tuluy-tuloy ang shoot ng movie na “When I Met You in Tokyo,” na muling magpapabalik sa love team nina Vilma Santos at Christopher de Leon. Kasama rin nila sa shoot si Tirso Cruz III, sa Japan. Happy ang production dahil wala silang problema sa pagtatrabaho nila, dahil si Japanese […]