Kelot na nanggahasa sa dalagita, timbog sa Valenzuela
- Published on August 7, 2021
- by @peoplesbalita
NAGWAKAS na ang pagtatago ng isang 19-anyos na lalaking wanted sa mabigat na kasong panggagahasa matapos kumagat sa pain ng pulisya nang muling makipagkita sa biktima sa Valenzuela City, kamakalawa ng hapon.
Si Mark Jayson Pasamonte, residente ng De Castro Purok 4, Mapulang Lupa, Ugong, Valenzuela City ay nahaharap sa tatlong bilang na kasong panggagahasa at paglabag sa R.A. 7610 o Child Abuse sa sala ni Valenzuela Regional Trial Court (RTC) Judge Mateo B. Altajeros ng Branch 26 na siyang naglabas ng warrant of arrest laban sa kanya noong Disyembre 11, 2020.
Walang piyansang inirekomenda ang korte sa kasong panggagahasa habang nagtakda naman ng P80,000.00 sa kasong paglabag sa R.A 7610.
Ayon kay P/Lt. Melito Pabon ng District Special Operation Unit ng Northern Police District (DSOU-NPD), nalaman nila mula sa 16-anyos na biktima ang paghihimok ng akusado na muling makipagkita sa dalagita sa kabila ng ginawang panghahalay umano sa biktima na naganap noong buwan ng Agosto hanggang Setyembre ng taong 2020.
Kaagad na nakipag-ugnayan ang DSOU kay P/Maj. Vicky Tamayo, hepe ng District Women and Children’s Protection Desk (WCPD) upang isagawa ang pagdakip kay Pasamonte sa pamamagitan ng pakikipagkasundo ng biktima na muli silang magkita ng akusado.
Dakong alas-3:30 ng hapon ng Miyerkules nang makipagkasundo ang biktima sa akusado na makipagkita sa isang bantog na convenience store sa Bagbaguin, Valenzuela City na nagresulta sa kanyang pagkakadakip.
Pinuri naman ni NPD Director P/BGen. Jose Santiago Hidalgo Jr. ang mga tauhan ng DSOU at DWCPD sa pagkakadakip kay Pasamonte na kabilang sa listahan ng mga most wanted person ng Valenzuela City. (Richard Mesa)
-
Agent nagwala, arestado
SA kulungan ang bagsak ng isang insurance agent matapos insultuhin at pagsabihan ng hindi magandang salita ang isang massage therapist na tumanggi sa pera na kanyang inaalok kapalit ng extra service sa loob ng isang massage clinic sa Valenzuela city. Sa ulat, alas-12 ng hating gabi, nagtungo si Joshua Pangilinan, 21 ng Block 33 […]
-
SANYA, balitang papalitan na ni ANDREA bilang leading lady ni BONG; book two ng ‘First Yaya’ hinahanda na
NAPANSIN ba ninyo ang isang guy in blue na tumakbong lumapit at mahigpit na yumakap sa first Olympic Gold Medalist ng bansa na si Hidilyn Diaz? Walang iba kundi ang kanyang boyfriend of three years at strength and conditioning coach na si Julius Irvin Naranjo, a Filipino-Japanese weightlifter at the Asian Indoor and […]
-
KC, all-out ang support na ipinakita kay Sen. KIKO sa pagtakbo bilang Vice President
ALL-OUT support ang ipinakita ni KC Concepcion sa kanyang Facebook at Instagram accounts para sa desisyon ng kanyang stepdad na si Sen. Kiko Pangilinan na tatakbo bilang Vice President sa May 2022 national elections. Si Sen. Kiko ang napiling ka-tandem ni Vice President Leni Robredo na tatakbo naman bilang pangulo matapos nilang mag-file […]