• July 25, 2024
  • Ang Diyaryong Pinagkakatiwalaan

Labi ng OFW na walang habas na pinaslang sa Kuwait, nakarating na sa Pilipinas

NAGING emosyonal ang pamilya ng kababayan nating Overseas Filipino Worker sa Kuwait na si Jullebee Ranara nang ito ay makarating muli sa Pilipinas.

 

 

Sa halip kasi na maging masaya ay pagluluksa ang kanilang gagawin ngayon matapos na masawi si Jullebee nang dahil sa karumal-dumal na sinapit nito sa kamay ng anak ng kaniyang mga amo.

 

 

Bandang alas-9:34 ng gabi kagabi dumating sa Pilipinas ang eroplanong may dala sa kaniyang bangkay na may flight number na EK334.

 

 

Panggagahasa, nabuntis, dalawang beses na sinagasaan, sinunog at inabanduna sa isang disyerto sa Kuwait ang karumal-dumal na inabot ni Jullebee sa pangmamaltrato ng 17-anyos na anak ng kanyang amo.

 

 

Ayon kay Overseas Workers Welfare Administration Administrator Arnel Ignacio, tumanggi munang humarap sa media ang pamilya nito para sa kanilang hiling na “privacy” upang mabigyan aniya sila ng pagkakataon na makapagluksa sa pagkamatay ng kanilang mahal sa buhay.

 

 

Dagdag pa ng opisyal, sa ngayon ay nakikipagtulungan na aniya ang Pilipinas sa gobyerno ng Kuwait upang mapanagot ang lahat ng may sala sa naturang insidente para na rin sa pagkamit sa hangad na hustisya ng naulilang pamilya ng biktima.

 

 

Kasabay nito ay tiniyak niya na ng magpapaabot ng kaukulang tulong ang pamahalaan para sa nasabing pamilya.

 

 

Samantala, tanging asawa at mga kapatid lamang ni Jullebee ang nagtungo sa Ninoy Aquino International Airport kagabi kasama sina Ignacio, Department of Migrant Workers Secretary Susan Ople, at Senator Raffy Tulfo para salubungin ang pagdating ng kanyang mga labi.

 

 

Pagkatapos nito ay agad itong isinakay sa isang ambulansya at saka ito dinala sa isang punerarya kung saan ito muling isasailalim ng National Bureau of Investigation sa otopsiya na alinsunod na rin sa kagustuhan at kapanatagan ng loob ng pamilya Ranara.

 

 

Enero 29, Linggo nagsimula ang burol para sa kanya sa Las Piñas City na magtatagal naman hanggang dalawang linggo. (Daris Jose)

Other News
  • MMDA, nagpaalala sa publiko kaugnay sa matinding trapiko simula ngayong araw

    NAGPAALALA ang Metropolitan Manila Development Authority (MMDA) na dapat asahan ang matinding trapiko sa 27th Asean Labor Ministers’ meeting simula Oktubre 25, ngayong araw.     Nauna nang inihayag ng Department of Labor and Employment (DOLE) na ang Asean event ay gaganapin hanggang Oktubre 29 sa Taguig City.     Sa pagsasagawa ng kaganapan, inaasahang […]

  • Ads June 15, 2022

  • Direk GINA, mabilis na nag-sorry kay CLAIRE after ng eksenang sampalan na nag-trending sa Facebook at Twitter

    INABOT daw ng halos isang oras sa pagligo si Claire Castro pagkatapos ng eksena sa Nagbabagang Luha kunsaan nakatikim siya ng matinding sampal mula kay Gina Alajar.   Bukod daw sa sampal ay nginudngod pa raw ang mukha niya sa cake. Pero naging professional daw si Claire at ikinatuwa pa niya ang masampal ni Direk […]