Mabigat at intense ang mga eksena sa ‘In Thy Name’: McCOY, naging emosyonal dahil sa natanggap na papuri mula sa ina
- Published on March 8, 2025
- by Peoples Balita
NAGING emosyonal nga ni McCoy de Leon at napaiyak sa premiere night ng “In Thy Name” nang i-acknowledge ang ina niya na nasa audience ng gabing iyon sa loob ng Cinema 7 ng SM North EDSA.
“I’m proud of you, anak, I’m happy for you,” ang mensaheng sinabi kay McCoy ng ina.
“Sobra, sobra, sobrang proud, I love you!
“Happy lang talaga ako and proud na proud talaga. God bless you anak, and more power,” ang basag na rin ang boses na sinabi pa ng ina ni McCoy.
Gumanap si McCoy bilang paring si FR. Rhoel Gallardo na nagsakripsiyo ng buhay noong 2000 sa kainitan ng labanan ng mga sundalo at grupong Abu Sayyaf sa Basilan.
Mabigat at intense ang mga eksena ni McCoy sa pelikula.
Lahad ni McCoy, “Actually nakakabaliw po talaga, nakaka-confuse sa utak po.
“Kasi madali po gawin yung mga physical na movement like pagiging soft ko lang as Father Rhoel and siguro ang nakatulong sa akin dito yung sobrang pagiging religious person talaga.
“Ito talaga yung reason, naging faith ko talaga na nagpatulong ako sa Diyos at kay Father Rhoel na malagpasan ko ito, maitawid ko itong pelikula.
“Kung napapansin niyo po si Father Rhoel tahimik lang siya, binigay ko yung parang tahimik na atake ng isang character.
“Based kasi sa research namin na natutunan ko kay Father Rhoel sobrang soft-spoken niyang tao and sabi ko paano ko siya magiging strong as a person, si Father Rhoel sa pelikula?
“Iyon lang pala yung sagot, yung faith yung pinaingay ko sa kanya, kaya kung mapapansin niyo pag iiyak ako pinipigilan ko, pag iiyak ako ayokong ipakita sa mga kasamahan kong survivor.
“Iiyak lang ako pag mag-isa ako, pag walang nakatingin.
“Kaya iyon siguro nakatulong din po na medyo naka-relate ako kay Father Rhoel, na malapit sa akin nung natutunan ko yung history niya, paano siya makitungo sa tao.
“Hindi ko na maisa-isa pero alam mo yung feeling na hindi mo naman kamag-anak pero parang konektado kami?”
Kuwento pa ni McCoy kung paano nasubok ang kanyang pananampalataya sa paggawa ng pelikulang palabas na sa mga sinehan
Pahayag niya, “Tulad po ni Father Rhoel naniwala lang din siguro ako kung ano yung ibibigay sa akin ng Diyos.
“Sa totoo lang po tinesting ko yung sarili ko, almost two years akong nagkontrabida and aaminin natin na minsan nai-imbibe mo na sa sarili mo.
“Pero sabi ko, pagka nilimitahan ko yung sarili ko sa ganitong role, hanggang liliit yung puwede kong gampanan.
“Sabi ko what if kaya sabayan ko and blessing na binigay sa akin ni direk Ceasar Soriano itong film, in-oo-han ko agad and sabi ko hindi ko puwedeng palagpasin itong pelikula na ito nang hindi ko naipakita yung pagiging ibang side ko.
“Kasi pag hindi ko naipakita yung soft side ko or ibang klaseng atake ng character nandun na ako sa kumportableng role ko lagi.
“And dagdag ko po sa sagot ko, ang pagiging, sabihin po natin, lead sa isang film ay hindi magiging kumpleto kasi kung napapansin niyo po, ako ay taga-react lang kung paano nila ako inaatake, yung mga kontrabida.
“Kaya hindi ko makukuha ngayon yung credits lahat ng akin lang, ibabaling ko ito, ikakalat ko ito kay kuya Mon, kay JC, yung mga survivor, sina Kat, sina Aya sila yung bubuo, hindi ko puwedeng gawin ito ng mag-isa.
“And share ko lang na bago mag-start yung film sabi sa akin ni kuya JC hindi ko makakalimutan ‘to, ‘McCoy susuportahan ka namin!’“Nasa isip ko lang, ‘JC de Vera na ‘to e, bakit ganun ang sinasabi sa akin?’
“Iyon yung feeling na, ‘Sige kuya Jace gagawin natin ‘to, para sa ating lahat!’
“Kaya salamat sa mga kasama ko sa pelikula.”
Mula sa direksiyon nina Caesar Soriano at Rommel Ruiz ang “In Thy Name” kung saan co-stars ni McCoy sina Mon Confiado, Aya Fernandez, Kenken Nuyad, Jerome Ponce, Yves Flores, Ynez Veneracion, Kat Galang, Pen Medina, Alex Medina, Soliman Cruz at JC de Vera at marami pang iba.
Mula ito sa Viva Films at sa GreatCzar Media Productions.
(ROMMEL L. GONZALES)
Other News
-
Ads July 7, 2021
-
ANGEL at ANNE, nagbigay ng donasyon sa Pasig pero wala talagang media coverage kaya puring-puri ni Mayor VICO
NAGBIGAY ng tulong na P2 million sa Pasig sina Angel Locsin at Anne Curtis pero wala itong media coverage. Hindi nila ipina-press release ang pagbibigay nila ng donation sa Pasig City. Kaya naman pinapurihan sila ni idadagdag ni Pasig Mayor Vico Sotto sa vaccination fund ang idinonate nina Anne at Angel na […]
-
Experience The Best Of British Theater A Second Time Around with New CCP NTL Season
A bigger, brighter, and bolder second season of the Cultural Center of the Philippines’ National Theatre Live (CCP NTL) is set to delight its devoted Filipino audiences with a new lineup of world-class stage plays filmed live from Britain’s most exciting stages. After a successful first season boasting waves of support from […]