• March 28, 2024
  • Ang Diyaryong Pinagkakatiwalaan

Mag-asawa, 3 pa binitbit sa P272K shabu sa Valenzuela

TINATAYANG abot P272,000 halaga ng hinihinalang shabu ang nakumpiska sa limang drug suspects, kabilang ang isang mag-asawa matapos maaresto sa magkahiwalay na buy bust operation ng pulisya sa Valenzuela City.

 

 

Ayon kay Valenzuela police chief Col. Salvadro Destura Jr, dakong alas-7:30 ng gabi nang magsagawa ang mga operatiba ng Station Drug Enforcement Unit (SDEU) ng Valenzuela police sa pangunguna ni PLT Joel Madregalejo ng buy bust operation sa Karen Avenue, Brgy. Gen T De Leon, harap ng Thoa Basketball Court.

 

 

Kaagad inaresto ng mga operatiba si Richard Alejandrino, 49, at kanyang asawa na si Jeanette Alejandrino, 48, kapwa ng Maysan Road, matapos bintahan ng P45,000 halaga ng droga si PSSg Gabby Migano na nagsilbi bilang poseur buyer.

 

 

Ani PSSg Ana Liza Antonio, nakumpiska sa mga suspek ang himigi’t kumulang 35 gramo ng hinihinalang shabu na may Standard Drug Price (SDP) Php238,000.00, buy bust money, cellphone at P300 recovered money.

 

 

Nauna rito, dakong ala-1:45 naman ng madaling araw nang matimbog din ng kabilang team ng SDEU sa buy bust operation sa No. 4158 S. Bautista St., Brgy. Mapulang Lupa sina Marianne Salas alyas “Mado”, 37, Randy Delos Santos, 40, at Jeffer Hardy Garcia, 47.

 

 

Ayon kay PCpl Pamela Joy Catalla, nakuha sa mga suspek ang tinatayang nasa 5 gramo ng hinihinalang shabu na may corresponding SDP P34,000.00, P500 buy bust money, coin purse, P500 recovered money at cellphone.

 

 

Pinuri ni Northern Police District (NPD) Acting Director P/Col. Ponce Rogelio Peñones ang Valenzuela police sa pamumuno ni Col. Destura sa matagumpay na drug operation na nagresulta sa pagkakaaresto sa mga suspek.

 

 

Nahaharap ang mga suspek sa kasong paglabag sa RA 9165 o ang Comprehensive Dangerous Drug Act of 2002. (Richard Mesa)

Other News
  • Going 8th months na ang relasyon nila: KRIS, crush na crush na pala noon pa ni Vice Gov. MARK

    GANU’N na lang ang naging pag-iyak ni Elijah Canlas habang nagbibigay ng mensahe hinggil sa pagyao ng kanyang bunsong kapatid na si JM Canlas.     Pumanaw si JM noong August 3 sa edad na 17. Napanood siya sa mga pelikulang “Kiko Boksingero” at “ANi” at sa TV series na “Unconditional.”     Sa TikTok […]

  • COVID-19 pandemic tatagal pa hanggang taong 2022 – WHO

    Nagbabala ang World Health Organization (WHO) na maaaring tatagal pa hanggang taong 2022 ang COVID-19 pandemic.     Ito ay sa kadahilanang ang mga mahihirap na bansa ay hindi pa raw nakakakuha ng tamang bakuna na kanilang kailangan.     Sinabi ni Dr Bruce Aylward, senior leader ng WHO, mas mababa sa 5 percent na […]

  • Pedicab driver, 1 pa tiklo sa P272K shabu sa Valenzuela

    Bagsak sa kulungan ang dalawang hinihinalang sangkot sa ilegal na droga matapos makuhanan ng halos P.3 milyon halaga ng shabu sa isinagawang buy-bust operation ng pulisya sa Valenzuela City.     Kinilala ni Valenzuela police chief Col. Fernando Ortega ang mga naarestong suspek na si Christopher Sta. Maria, 44, pedicab driver at Jeffrey Adam Daluz, […]