• May 13, 2025
  • Search in People's Balita

  • Ang Diyaryong Pinagkakatiwalaan

 

Mahigit 900 delegado ng Western Visayas, lalahok sa Palarong Pambansa 2025

AABOT  sa 965 delegado mula sa Western Visayas ang lalahok sa Palarong Pambansa 2025 na gaganapin sa Ilocos Norte, ayon sa Department of Education (DepEd) Region 6.
Sa pahayag ni DepEd-6 spokesperson Hernani Escullar Jr., binubuo ang delegasyon ng 605 atleta, 87 coaches, 24 assistant coaches, 40 chaperons, at 209 miyembro ng technical working group.
Itinuturing na kakaiba ang delegasyon ngayong taon dahil sa pamumuno ng dalawang regional directors – sina Director Ramir Uytico at Director Cristito Eco – na maghahati sa pamamahala sa buong grupo.
Ayon kay Escullar, ito ay isang natatanging pagkakataon na inaasahang magbibigay ng lakas at inspirasyon sa mga koponan.
Bagama’t nabuo na ang Negros Island Region (NIR), kinumpirma ni Escullar na mananatiling bahagi ng delegasyon ng Western Visayas ang mga atleta mula sa Bacolod City at Negros Occidental ngayong Palarong Pambansa 2025.
Ipinahayag din niya ang kumpiyansa ng rehiyon na makalamang laban sa powerhouse na rehiyon na National Capital Region (NCR), lalo’t bahagi rin ng delegasyon si Director Eco na mula mismo sa NCR.
Inaasahang sa Mayo 17, nakatakdang bumiyahe ang mga delegado patungong Ilocos Norte.
Habang isasagawa ang registration at orientation ng mga technical officials sa Mayo 20, at nakatakda naman ang solidarity meeting sa Mayo 23, kasunod ang opening program sa Mayo 24, 2025.
Other News

  • FIGHT FOR LOVE

    MALE CHAUVINISM!!!Ayan ang matagal ng problema ni Max sa kanyang trabaho. Bakit hindi siya mabigyan ng fair chance porke’t male dominated job ang fire fighting? Hindi maalis sa isip niya ang natanggap na pa-welcome sa kanya.     “One month…I’ll give you one month para patunayan ang sarili mo.”     Sa dulo ng mahabang […]

    read more

  • Health experts inirekomenda ang 2nd booster shots para sa mga medical workers at mga matatanda

    INIREKOMENDA ngayon ng Health Technology Assessment Council (HTAC) ang pagbabakuna sa second booster shot para sa mga health care workers na nasa A1 category at at senior citizens na nasa A2 category.     Ayon kay National Vaccination Operations Center (NVOC) chief at Health Undersecretary Myrna Cabotaje, hinihintay na lamang daw sa ngayon ng HTAC […]

    read more

  • 200K pamilya, ga-gradweyt mula sa 4Ps -DSWD

    TINATAYANG umabot na sa 200,000 household-beneficiaries ng Pantawid Pamilyang Pilipino Program (4Ps) ang inaabangang magtatapos mula sa programa ng Department of Social Welfare and Development (DSWD), sa darating na Setyembre.     “By September, mayroong mga around 200,000 na wala ng eligible children na automatic na mag-eexit sa program,” ayon kay 4Ps National Program Management […]

    read more
People's Balita.
All rights reserved. © Copyright 2025.