• May 13, 2025
  • Search in People's Balita

  • Ang Diyaryong Pinagkakatiwalaan

 

Mahigpit ang pag-uugnayan ng gobyerno at pribadong sektor… Matatag na suplay ng kuryente sa May 12 midterm elections, titiyakin 

MAHIGPIT ang pag-uugnayan ng mga ahensiya ng gobyerno at pribadong sektor para tiyakin na matatag ang suplay ng kuryente sa May 12, midterm elections.
Sinabi ni Presidential Communications Undersecretary a Palace Press Officer Claire Castro na gumagawa na ng proactive steps ang mga partners o katuwang ng Department of Energy (DOE) at mga ahensiya ng pamahalaan at pribadong sektor para magarantiya ang ‘uninterrupted electricity’ sa buong proseso ng eleksyon.
“Mahalagang masiguro ang maayos na daloy ng kuryente para maprotektahan ang publiko at mapanatili ang katatagan ng national grid ngayong halalan,” ang sinabi ni Castro.
Sinabi pa ni Castro na inatasan na ng DOE ang National Grid Corporation of the Philippines (NGCP), National Electrification Administration (NEA), electric cooperatives, at private distribution utilities na kaagad na ayusin ang anumang istraktura na makasasagabal sa power lines.
“Kabilang dito ang mga illegal na campaign material at iba pang mga istrukturang posibleng magdulot ng panganib sa kaligtasan at sa tuloy-tuloy na suplay ng kuryente,” diing pahayag ni Castro.
Nakikipag-ugnayan na rin aniya ang DOE sa local government units (LGUs) at sa Commission on Elections (Comelec) Special Task Force Baklas na daglian at ligtas na alisin ang mga nasabing hadlang.
Tinuran pa ni Castro na tinugunan ng DOE ang report mula sa Comelec kaugnay sa malaganap na illegal practice sa pagkakabit ng campaign materials sa electrical poles at power lines.
“Hindi lamang paglabag sa election rules kundi malaking panganib din sa kaligtasan at operasyon ng ating power system,” diing pahayag nito.
Ang inisyatiba ng DOE ay alinsunod sa Republic Act No. 11361, o Anti-Obstruction of Power Lines Act, naglalayong protektahan ang power lines at kaugnay na pasilidad mula sa panganib.
Nauna rito, tiniyak ng DOE-led Energy Task Force on Election (ETFE) sa publiko ng uninterrupted power supply sa buong bansa habang idinadaos ang “botohan, transmission, at canvassing.”
Ang ETFE, isang multi-agency body, pinangungunahan ng DOE, mahigpit na nakikipag-ugnayan sa Comelec, Armed Forces of the Philippines, Philippine National Police, at Bureau of Fire Protection upang masiguro ang maayos at kapani-paniwalang eleksyon.
(Daris Jose)
Other News

  • Never nag-regret na nagpakasal: CARLA, wala ng chance na makikipagbalikan pa kay TOM

    NALUNGKOT ang mga fans ng Pambansang Ginoo na si David Licauco, nang aminin niya sa interview ng Kapuso Showbiz News, na nakakaranas siya ng sleep apnea, at kailangan niyang magpagamot sa isang specialist.       Ngayon pa naman namamayagpag ang career ni David sa pagganap niya bilang si Fidel, katambal si Barbie Forteza as Klay, […]

    read more

  • P904 milyon kemikal at gamit sa paggawa ng shabu winasak sa Valenzuela

    Tinatayang nasa P904 milyong halaga ng kemikal at sangkap sa paggawa ng shabu ang winasak ng mga tauhan Philippine Drug Enforcement Agency (PDEA) sa Barangay Punturin, Valenzuela city.     Pinangunahan Valenzuela Mayor Rex Gatchalin at PDEA Director General Wilkins Villanueva ang pagwasak ng laboratory equipment, controlled precursors and essential chemicals (CPECs) na gamit sa […]

    read more

  • SHARON, mag-isang umalis ng bansa at humihiling na ipagdasal siya; emosyonal na nagpaalam sa pamilya

    NOONG May 11, mag-isa ngang umalis si Megastar Sharon Cuneta papunta sa isang bansa na hindi niya binanggit pero maraming humuhula na ito ay sa Amerika.     Sa Instagram post ni Mega, pinakita niya ang mga photos ng malungkot na nagpapaalam sa kanyang asawang si Sen. Kiko Pangilinan at sa tatlong anak na sina […]

    read more
People's Balita.
All rights reserved. © Copyright 2025.