MAJA, umaming dahil sa pamilya kaya tinanggap ang offer ng TV5
- Published on October 15, 2020
- by @peoplesbalita
NAGING honest si Maja Salvador sa naging deciding factor niya nang tanggapin niya ang offer ng TV5 at Brightlight Productions na lumipat mula sa pagiging Kapamilya star.
Kasama sina Donny Pangilinan, Catriona Gray, Jake Ejercito at Piolo Pascual, sila ang mga host ng bagong ilulunsad na Sunday noontime show ng network, ang SNL o Sunday Noontime Live.
Hindi naman itinanggi ni Maja na nang maglambing sa kanya ang kanyang tatay-tatayan na si Mr. Johnny Manahan na samahan ito, hindi raw talaga siya makahihindi. At very grateful din daw siya sa talagang sumusugal nga sa Brighlight Productions, ang producer nito na si Congressman Albee Benitez.
Bukod pa rito, sabi nga ni Maja, ngayong panahon ng pandemya, kailangan din naman niya na makapagbigay ng suporta sa kanyang pamilya.
“Ang masasabi ko lang, I’m very grateful and thankful kay Mr. M for trusting in me. Regret? Siguro magkakaroon po ako ng regret kung sarili ko lang ang inisip ko. Isang malaking bagay po na nagpa-oo sa akin ay yung makakatulong ako sa aking pamilya.”
At very grateful daw siya sa ASAP dahil dito siya nakilala lalo na sa husay niya sa dance floor.
“Hindi po ako makikilala sa pagsasayaw kung hindi dahil sa ASAP. For 17 years, wala akong ibang ginawa every Sunday kung hindi ang sumayaw nang sumayaw.
“Forever grateful po ako sa inyo at since ang aking Tatay, si Mr. M ay naglambing, kailangan ko po siyang samahan. Parang hindi po ako makatanggi kay Mr. M, lalo na via Zoom, sinabi niya, ‘Maja, kailangan kita.’ How can I say no to him? Of course, my ASAP family, my bosses in ABS-CBN, naiintindihan nila lahat. Hindi naman po ako lalabas dito, tanggapin ang show na ‘to kung hindi maayos po yung pag-uusap ng lahat.
“Parang at the end of the day, ramdam ko na pamilya talaga kami. Ang pamilya ay iniintindi ang bawat isa at pangangailangan ng bawat isa.”
At simula nga ngayong Linggo, mula 12:00NN-2:00PM ay sa TV5 na siya mapapanood via Sunday Noontime Live. May catch-up airing at 8:00PM sa Colours Channel 202 HD at Channel 60 SD on Cignal TV. (ROSE GARCIA)
-
Pag-angkat ng sibuyas, aprub na – DA
TULOY na ang pag-aangkat ng Pilipinas ng sibuyas. Ito ang sinabi ni Agriculture spokesman Rex Estoperez makaraang aprubahan ni Pangulong Ferdinand Marcos Jr. ang importasyon ng 21,060 metrikong tonelada ng sibuyas. Sinabi ni Estoperez na nilagdaan na ni DA Senior Undersecretary Domingo Panganiban ang importasyon ng fresh yellow and red onion. […]
-
AFP nagbigay pugay nang ‘snappiest salute’ sa ex-commander-in-chief kay PNoy
Pinangunahan ni AFP chief of staff Gen. Cirilito Sobejana ang pagbibigay ng military honor para sa namayapang dating Pangulong Benigno Noynoy Aquino sa Kampo Aguinaldo sa Quezon City. Binigyan ng militar ng traditional gun salute ang namayapang dating pangulo sa lahat ng mga kampo ng militar sa buong bansa bilang pagpupugay sa dati nilang […]
-
Pdu30, maayos ang kalusugan; regular ang swab test
TINIYAK ng Malakanyang na maayos ang kalusugan ni Pangulong Rodrigo Roa Duterte matapos na muling nagpositibo sa Covid-19 si Interior Secretary Eduardo Año. Nakasama kasi ng Pangulo ang Kalihim sa isang pulong sa Davao City noong Agosto 10. “Okay po ang Pangulo. Regular po ang kanyang swab test kasi mas maraming swab test masakit ang […]