• February 9, 2025
  • Ang Diyaryong Pinagkakatiwalaan

Malabon LGU, inilunsad ang AHON 24/7 alert app

UPANG mapabilis ang koordinasyon sa pagitan ng lokal na pamahalaan at mga Malabueno sa panahon ng mga kalamidad, inilunsad ni Mayor Jeannie Sandoval at Malabon Disaster Risk Reduction and Management Office (MDRRMO) ang bagong Malabon All Hazards One Network (AHON) 24/7 Alert Application.
“Sa panahon po ngayon na halos lahat ng mga mamamayan ay may cellphone at may access sa internet, minabuti po natin na mas ilapit sa kanila ang ating dekalidad, tapat na serbisyo para sa lahat. Atin pong inilunsad ang Malabon AHON 24/7 Alert App na siyang magpapabilis ng koordinasyon at pagtutulungan nating mga Malabueno lalo na sa panahon ng sakuna. Kaya po i-download na natin ito at gamitin dahil sigurado pong nakahanda ang pamahalaang lungsod sa pagsiguro ng inyong kaligtasan at kapakanan,” ani Mayor Jeannie.
Ani Mr. Roderick Tongol, Officer-in-Charge ng MDRRMO, ang app ay nagbibigay sa mga residente ng direktang access sa iba’t ibang mahahalagang serbisyo ng pamahalaang lungsod, kabilang ang medical emergencies, safety and security, fire response, traffic enforcement, engineering, waste management at iba pa. Ang app ay magagamit sa pamamagitan ng pag-download sa Google Playstore at malapit na rin ilunsad sa iOS.
Ang app ay mayroon ding feature kung saan ang mga residente ay maaaring makipag-ugnayan sa mga numero ng emergency hotline, tingnan ang mga ordinansa ng lungsod, police watch list, traffic at weather updates.
Kapag na-download na sa kanilang mga device, dapat magparehistro ang mga residente sa pamamagitan ng pagsusumite ng kanilang larawan kasama ng isang valid ID, at sa pamamagitan ng pagbibigay ng kanilang personal at contact information, kasama ang numero ng kanilang telepono at email kung saan maaprubahan ito sa loob ng 24 na oras.
 Sinabi pa ni Tongol na ang City Command and Control Center kasama ang city department, ay mayroon na ngayong mga dashboard na nagpapahintulot sa kanila na madaling masubaybayan ang mga kahilingan at ulat na ipinadala ng mga residente sa pamamagitan ng app. Nagbibigay-daan ito sa kanila na tumugon kaagad, hindi tulad ng lumang bersyon ng “Let’s Connect,TXT MJS” kung saan kailangan munang gumawa ng ulat ang operator at ipadala ito sa kinauukulang opisina bago gumawa ng aksyon.
Hinihikayat natin ang mga Malabueno na i-download ang Malabon AHON 24/7 application dahil mas pinapabuti at pinapadali nito ang mga serbisyo para sa inyo. Kahit saang parte ka man ng ating lungsod ay madali nating malalaman at matutugunan ang inyong pangangailangan. Ito ay isa sa mga hakbang ng ating Mayor Jeannie sa pagtupad ng pangakong pagpapalakas ng mga programa para sa kaligtasan ng bawat mamamayan at kaayusan sa Malabon,” pahayag naman ni City Adminstrator Dr. Alexander Rosete. (Richard Mesa)
Other News
  • ABS-CBN, humingi ng tawad kay Duterte sa ‘di pag-ere ng ilang 2016 poll ads nito

    Humingi ng tawad sa Senate hearing si ABS-CBN president at chief executive officer Carlo Katigbak kung sumama ang loob ni Pangulong Rodrigo Duterte sa pag-ere ng network ng isang kontrobersiyal na political advertisement noong 2016.   “We are sorry if we offended the president. That was not the intention of the network. We felt that […]

  • Obiena umatras na sa pagsabak sa Germany dahil sa kulang na ensayo

    UMATRAS na si Pinoy pole vaulter EJ Obiena sa pagsali sa Init Indoor Meeting dahil sa kakulangan ng ensayo.     Sinabi ng kaniyang advisor na si Jim Lafferty na nagdesisyon si Obiena at coach nito na si Vitaly Petrov na hindi lumahok sa nasabing torneo nagaganapin sa Karlsurhe, Germany.     Wala aniyang problem […]

  • Djokovic hindi na tinapos ang semis ng Australian Open dahil sa injury

    NATAPOS na ang paghahangad ni Serbian tennis star Novak Djokovic na makuha ang pang-25 na grand slam title. Maaga kasi itong nag-retire sa semifinals ng Australian Open dahil sa injury sa kaniyang kaliwang hita. Tinapos pa ni Djokovic ang unang set laban kay world number 2 na si Alexander Zverev kung saan natalo siya sa 7-6(5) […]