Malabon LGU, ipinagdiwang ang 426th Tambobong Festival
- Published on March 27, 2025
- by people's balita
NAKIISA si Mayor Jeannie Sandoval, kasama ang 42 lovely candidates ng Ginoo at Binibining Malabon 2025 sa Tambobong Festival Float Parade nitong Huwebes bilang bahagi ng pagsisimulan ng pagdiriwang ng lungsod ng ika-426 na Pagkatatag at Ika-24 Anibersaryo ng Lungsod.
“Ating sinimulan ang pagdiriwang ng Tambobong Festival bilang paalala sa ating mga Malabueno sa ating mayamang kasaysayn, tradisyon, at kultura. Nakasama natin ang mga kandidato ng Ginoo at Binibining Malabon mula sa 21 na barangay sa lungsod. Sila ay mga modelo o ehemplo para sa mga kabataan upang maipakita ang kanilang galing, talino, at talento. Ating ipagmalaki ang ating lungsod at ang ating pagiging Malabueno na may pagkakaisa, kagandahang loob tungo sa tunay na pag-unlad,” ani Mayor Sandoval.
Ang float parade ay bahagi ng mga aktibidad para sa pagdiriwang ng 426th Founding Anniversary ng Malabon (Mayo 21) at 24th Charter Day (Abril 21).
Itinampok nito ang 20 detalyadong dinisenyo na mga float na nagdiriwang ng mayamang kasaysayan, kultura, at tradisyon ng Malabon kung saan ipinakikita dito ang pagkamalikhain at pagmamalaki ng komunidad, sabi ng CTCAO.
Sina First Gentleman Ricky Sandoval, City Councilors, Ginoong Malabon 2024 Elishua Balinton at Binibining Malabon 2024 Prima Joy Alamban, ang mga nagwagi sa Tambobong Indakan, habang lumahok naman sa parade ang city government department heads and employees, cultural groups at marching bands.
Ang aktor at basketball player na si Kobe Paras, kasama ang aktres na si Angeli Khang, ay nakiisa rin sa parada upang magsilbing escort at muse nina Mayor Jeannie at First Gentleman Ricky Sandoval.
Nagsimula ang parada sa Malabon National High School, dumaan sa Gen. Luna Avenue, at nagtapos sa Malabon Sports Center.
Pagkatapos ng parada, ang mga kalahok ay binigyan ng masiglang pagtatanghal ng kultura mula sa iba’t ibang grupo sa Hulong Duhat Oval.
“Ngayon pa lang ay atin nang sinumulan ang mga aktibidad na bahagi ng ating pagdiriwang ng anibersaryo ng pagkakatatag ng Malabon. Ito ay mahalaga para sa atin bilang Malabueno dahil dito tayo nagsimula bilang isang bayan, isang komunidad nasi may makulay at mayabong na kultura, tradisyon, at paniniwala. Gayundin ay ating itinatampok ang kakaiba at kamangha-manghang talento ng mga Malabueno. Nawa ay magsilbing inspirasyon ang mga programang ito para sa atin sa ating patuloy na pagsasagawa ng mga serbisyo para sa kapwa Malabueno,” pahayag ni City Administrator Dr. Alexander Rosete. (Richard Mesa)
-
Stunt Coordinator Praises Working with Michelle Yeoh in ‘Everything Everywhere All at Once’
TIMOTHY Eulich, the stunt coordinator for Everything Everywhere All at Once, details and praises what it was like working with Michelle Yeoh. Written and directed by Daniels, the filmmaking duo of Dan Kwan and Daniel Scheinert, the new science fiction movie follows Yeoh’s character, Evelyn Wang, an aging Chinese immigrant who finds herself thrown […]
-
Pacquiao sa posibleng Spence vs Ugas bout: Walang problema sa akin
Walang nakikitang problema si Sen. Manny Pacquiao sa napabalitang laban nina Errol Spence at Yordenis Ugas. Magugunitang umatras si Spence sa laban nila ni Pacquiao kamakailan dahil sa injury nito sa mata dahilan kung bakit si Ugas ang nakasagupa ng Pambansang Kamao noong Agosto 22 (araw sa Pilipinas). Sa kanyang pagdating […]
-
Filipinas nabigo sa Thailand 1-0, nasa pangalawang puwesto ng Group A
NABIGO ang Philippine national women’s football team na Filipinas sa kamay ng Thailand 1-0 sa 2022 AFF Women’s Championship. Dahil dito ay nasa pangalawang puwesto na lamang ang Filipinas sa Group A at nasang unang puwesto ang Thailand sa laro na ginanap sa Rizal Memorial Stadium sa Manila. Tiyak na rin […]