• September 28, 2023
  • Ang Diyaryong Pinagkakatiwalaan

Marcos camp nagmatigas vs electoral protest decision: ‘Only the 2nd cause of action

Nagmatigas ang kampo ni dating Sen. Bongbong Marcos na tanggapin ang desisyon ng Supreme Court na nagbasura sa kanyang electoral protest laban kay Vice President Leni Robredo.

 

 

Ayon kay Atty. Vic Rodriguez, abogado ni Marcos, hindi pa tuluyang ibinabasura ng Korte Suprema, na umuupo bilang Presidential Electoral Tribunal (PET), ang protesta ng natalong kandidato.

 

 

“Based on the official pronouncement made by the Presidential Electoral Tribunal today, the court unanimously voted to dismiss our second cause of action which is the manual recount and judicial revision,” ani Rodriguez.

 

 

Sa ilalim ng second cause of action ni Marcos, nagkaroon ng recount ng mga balota sa napili niyang tatlong pilot provinces na Camarines Sur, Iloilo, at Negros Oriental.

 

 

Nakasaad sa Rule 65 ng PET na maaari nilang maging basehan ng pagbasura sa protesta ang resulta ng initial recount.

 

 

Lumabas sa ginawang recount na nadagdagan pa ng higit 15,000 boto ang agwat ng lamang ni Robredo kay Marcos.

 

 

Sa kabila nito, hindi agad nag-desisyon ang PET na ibasura ang electoral protest at hinigan ng komento ang dalawang panig sa report, pati sa ikatlong cause of action ni Marcos.

 

 

Sa ilalim ng third cause of action ng natalong kandidato, ire-review sana ang election records ng Lanao del Sur, Basilan, at Maguindanao.

 

 

Gusto kasing patunayan ni Marcos na nagkaroon ng dayaan sa tatlong probinsya.

 

 

“However, as to the issue on how to proceed with our third cause of action which is the annulment of votes in Mindanao, the Tribunal has yet to decide on the matter,” dagdag ni Rodriguez.

 

 

Sa isang press conference kanina, sinabi ni Supreme Court spokesperson Atty. Brian Hosaka na kaya ibinasura ang protesta ni Marcos ay dahil bigo ito sa kanyang ikalawang cause of action.

 

 

“Having failed in 3 pilot provinces of Camarines Sur, Iloilo and Negros Oriental, Marcos cannot seek 3rd cause cause of action of annulment in Lanao Del Sur, Maguindanao and Basilan.”  (Daris Jose)

Other News
  • ALJUR, umaming nagkaproblema sila ni KYLIE pero ginawa ang lahat para magkaayos

    NAGSALITA na si Aljur Abrenica tungkol sa estado ng relasyon nila ng kanyang misis na si Kylie Padilla.      Ilang buwan na kasing pahulaan ang netizens kung sila pa ba o hiwalay na sila sina Aljur at Kylie.     Base kasi sa mga post nila sa Instagram, walang photo si Aljur sa account ni […]

  • 2 nalambat sa P170K shabu sa Navotas

    Dalawang hinihinalang tulak ng ilegal na droga ang timbog matapos makuhanan ng halos P.2 milyon halaga ng shabu sa isinagawang buy bust operation ng pulisya sa Navotas city, kahapon ng madaling araw.   Kinilala ni Navotas police chief Col. Rolando Balasbas ang naarestong mga suspek na si Jaymar Marquez, 28 ng Inocencio St. Tondo at […]

  • Minimum wage hikes sa NCR at sa Western Visayas, aprubado na – DOLE

    INANUNSIYO ngayon ng Department of Labor and Employment (DOLE) na inaprubahan na sa National Capital Region (NCR) at Western Visayas wage boards ang adjustments sa minimum wages ng mga manggagawa.     Batay sa statement ng DOLE ang Regional Tripartite Wages and Productivity Board (RTWPB-NCR) ay naglabas ng Wage Order No. NCR-23 nitong nakalipas na […]