• September 28, 2023
  • Ang Diyaryong Pinagkakatiwalaan

Mayor Tiangco: Navotas, nananatiling COVID-19 free

TINIYAK ni Mayor Toby Tiangco sa publiko na nananatiling ligtas ang Navotas mula sa Coronavirus Disease 2019 (COVID-19), dating kilala bilang novel Coronavirus (nCov).

 

“Walang kumpirmadong kaso ng nCov sa ating lungsod. Ang Task Force nCov, na pinangungunahan ng ating City Health Office, ang namumuno sa pagtugon sa isyung ito. Mamuhay po tayo nang normal pero mag-ingat at protektahan ang sarili laban sa sakit na ito,” aniya.

 

Sinabi ni Tiangco na itinalaga ng pamahalaang lungsod ang 8281-1111 bilang hotline para sa anumang tanong o paglilinaw tungkol sa nasabing sakit. Sa mga walang landline, maaari silang magpadala ng mensahe sa Text JRT (Johnrey oR Toby).

 

Dagdag pa niya, may nakahandang mga triage area sa Navotas City Hospital at sa lahat ng 11 na mga health center kung saan ang mga residente na posibleng may sakit ay sasailalim sa pangunang pagsusuri.

 

“Iwasang magpalaganap ng mga espekulasyon dahil nagdudulot lang ito ng pagkabahala at pagkalito. Ibahagi ang impormasyon na galing lamang sa mga awtorisadong source tulad ng Department of Health, Navoteño Ako, at ang Facebook fanpage ko o ni Cong. John Rey Tiangco,” saad niya.

 

Samantala, kinumpirma ni City Health Officer Dr. Christia Padolina na mula Pebrero 3-12, may 16 persons under monitoring (PUM) ang Navotas, tatlo rito ay negatibo sa naturang virus.

 

Ang mga PUM ay mga indibidwal na bumisita sa China o nagkaroon ng contact sa isang kumpirmadong may nCov ngunit hindi nagpapakita ng mga sintomas. Sila ay pinapayuhang sumailalim sa 14 na araw ng self-quarantine.

 

Sa kabilang banda, ang mga persons under investigation (PUI) ay mga indibidwal na nagpapakita ng mga sintomas, nakabisita sa China o nagkaroon ng exposure sa virus. Kailangan nilang ihiwalay sa iba.

 

Pinayuhan ni Padolina ang mga Navoteño na sundin ang proper hygiene at healthy lifestyle para maiwasan ang sakit.
“Parating maghugas ng mga kamay, sundin ang wastong paraan ng pag-ubo, iwasan ang mga taong may sakit, at siguraduhing naluto nang mabuti ang kakaining isda at karne. Maaari rin nating palakasin ang ating immune system sa pamamagitan ng pag-inom ng maraming tubig, pagkaroon ng sapat na tulog, at pag-inom ng vitamins,” aniya. (Richard Mesa)

Other News
  • Construction worker timbog sa P.2M shabu sa Valenzuela

    KULONG ang 50-anyos na construction worker na sangkot umano sa pagbebenta ng ilegal na droga matapos makuhanan ng mahigit P.2 milyon halalaga ng hinihinalang shabu makaraang matiklo sa isinagawang buy bust operation ng pulisya sa Valenzuela City, kahapon ng umaga.     Kinilala ni Valenzuela police chief P/Col. Salvador Destura Jr ang naarestong suspek na […]

  • Speaker Romualdez pormal nang tinanggap ang P5.268-T Marcos proposed nat’l budget; tiniyak ang transparent sa pagpasa

    PORMAL nang natanggap ng Kamara ang Proposed 2023 National Expenditure Program (NEP).     Mismong si House Speaker Martin Romualdez, kasama sina Majority Leader Manuel Jose “Mannix” Dalipe, Minority Leader Marcelino Libanan, House Appropriations Committee Chair Elizaldy Co at vice chair Rep. Stella Quimbo na siyang humarap kay Department of Budget and Management (DBM) Sec. […]

  • Ang laki ng pasasalamat sa ‘First Yaya’ at ‘First Lady’: SANYA, nagkaroon ng pambayad sa bahay at nakabili rin ng lupa

    STARTING tonight, July 29, muling panoorin ang modern fairytale nina President Glenn Acosta (Gabby Concepcion) and Nanny Melody Reyes (Sanya Lopez), ang top-rating romantic comedy series na “The First Nanny” sa Netflix Philippines, produced by GMA Entertainment Group.     Nagbahagi naman si Sanya nang ma-interview siya tungkol sa pagpapalabas ng “The First Nanny” sa […]