Mayor Tiangco, sinagot ang isinampang katiwalian sa kanya sa Ombudsman
- Published on January 28, 2021
- by @peoplesbalita
Sinagot ni Navotas Mayor Toby Tiangco ang inihain na affidavit sa Ombudsman tungkol umano sa mga katiwalian na ginawa niya habang abala ang pamahalaang lungsod sa paghahanda sa mass vaccination laban sa COVID-19.
“Ayoko na po sanang bigyan pa ito ng panahon ngunit nadadamay po ang dangal ng ating pamahalaang lungsod kaya minabuti ko na po itong sagutin”, ani Mayor Tiangco.
Kahit sino naman aniya ay pwedeng maghain ng reklamo at hindi naman kailangang totoo ang ihahain na reklamo.
“Sanay na po ako sa ganitong klase ng pulitika. Hindi po ito makakasira sa ating layunin na gawin ang lahat ng makakaya para masiguro na ligtas ang bawat Navoteño at matulungan ang ating mga kababayan na makabangon mula sa pandemya”, dagdag niya.
Sa isyu ng korupsyon, ang Navotas ay binigyan ng COA ng limang magkakasunod na “unqualified opinion” ang pinakamataas na marka na binigay nila sa ahensya ng pamahalaan. Sa buong Metro Manila, ang Navotas lang ang may ganyang track record.
Katiwalian din daw ang hindi niya pag-report sa city hall kaya’t ang paliwanag dito ni Mayor Tiangco ay high risk siya dahil highly asthmatic at pinayuhan siya ng kanyang doctor na manatili sa bahay.
“Alam po ng pamahalaang nasyonal, kasama na ang IATF na nagtatrabaho po ako sa bahay. Alam din po ito ng ating mga kasama sa pamahalaang lungsod at ng mga barangay na araw-araw, Lunes-Biyerenes ay nakakasama natin sa meeting para pag-usapan ang mga hakbang at maproteksyunan ang ating mga mamamayan laban sa COVID-19 at matugunan ang iba pa nilang pangangailangan”, sabi pa ni Tiangco.
Aniya, ang COVID response ng Navotas, mula mas testing hanggang sa isolation at treatment ang ginawang halimbawa ng Coordinated Operations to Defeat Epidemic (CODE) team para sa iba pang LGU noong nag-ikot sila sa iba-ibang lugar sa bansa.
“Sa panahon ng pandemya, ang kailangan po natin ay pagtutulungan at pagkakaisa, hindi pamumulitika. Meron na tayong kinakaharap na COVID-19, wag nang dumagdag pa sa mga virus ng lipunan”, pahayag niya. (Richard Mesa)
-
Kasama sana si Sharon pero nagka-aberya dahil sa COVID-19 test” Official trailer ng ‘Easter Sunday’ ng Fil-Am standup comedian na si Jo Koy, napapanood na
PUMANAW na ang tanyag na celebrity makeup artist and stylist na si Fanny Serrano sa edad na 72 nitong May 11. Tita Fanny or TF kung tawagin si Serrano ng mga malalapit sa kanyang sa showbiz. Sa Facebook ng fashion designer na si Dave Ocampo, vice president for External Affairs of […]
-
PhilSys data, ligtas sa ilalim ng authentication program
IPINAGPAPATULOY ng Philippine Statistics Authority (PSA) ang “wide-reaching and intensive information” at education campaign para matamo ang inclusive digital economy sa ilalim ng Philippine Identification System (PhilSys) project sa panahon ng administrasyong Marcos. Layon ng PhilSys na magtatag ng single national ID para sa mga mamamayang Filipino at resident aliens. Ang […]
-
PNP, mas pinaigting pa ang monitoring laban sa e-sabong; 236 sites pina-take down
MAS pinaigting pa ngayon ng Philippine National Police ang kanilang isinasagawang monitoring sa iba’t ibang online platforms at mobile application na maaarin gamitin ng mga kawatan sa ilegal na operasyon ng electronic sabong. Ayon kay PNP chief PGen. Rodolfo Azurin Jr., inatasan na niya ang Anti-Cybercrime Group na i-take down ang lahat ng […]