• March 28, 2024
  • Ang Diyaryong Pinagkakatiwalaan

Mental Health Emergency, pinadedeklara

BUNSOD na rin sa naiulat na pagtaas sa bilang ng mga estudyanteng nagpapakamatay, nanawagan ang Kabataan Party List  kay Pangulong Bongbong Marcos na magdeklara ng Mental Health Emergency.

 

 

Nag-aalala rin ang partylist sa report ng Department of Education (DepEd) sa isinagawang pagdinig ng Senate Committee on Basic Education na nasa total na 404 youth students sa bansa ang nagpakamatay at 2,147 iba naman ang nagtangkang tapusin ang kanilang buhay sa Academic Year 2021-2022.

 

 

“Crunching the data, there had been more than one student who fell victim to suicide per day while roughly one student attempted to commit suicide every four hours in the past academic year. These are numbers we have never seen before,” ayon kay Kabataan Partylist Rep. Raoul Manuel.

 

 

Ibinunyag pa ng DepEd na ang kasalukuyang ratio ng Mental Health Professionals to students ay nasa 1:13,400, malayo sa ideal ratio na 1:500.

 

 

Dala nito, nanawagan ang mambabatas na magdeklara ng mental health emergency para magbigay daan sa agarang aksyon mula sa gobyernopara sa badyet at suporta para sa pagkakaroon ng mga mental health professionals at serbisyo.

 

 

Dapat ding ipatupad ng Kamara ang oversight powers nito para masilip ang pagpapatupad ng Mental Health Law upang matugunan ang alinmang kakulangan nito.

 

 

“Higit sa pagtugon sa mental health services, di natin maitatanggi na epekto rin ito ng higit dalawang taong pagsara ng mga paaralan at ang distance o hybrid learning modality na dumoble sa load at gastusin ng mga estudyante. In this regard, we also need a serious review and overhaul of education policies especially the K-12 while we ensure 100% face-to-face classes,” pahayag pa ni Manuel.

 

 

Nakatakdang maghain ang grupo na resolusyon sa kamara para hikayatin ang kasalukuyang administrasyon na magdeklara ng mental health emergency, imbestigahan ang kasalukuyang krisis at bilisan ang pagpapatupad ng mga polisiya upang matugunan ang nasabing krisis.

 

 

Mahigpit  ding magmomonitor ang Kabataan Partylist sa implementasyon ng DepEd MATATAG Education Agenda para sa pagpapatupad ng mental health services sa bawat eskuwela. (ARA ROMERO)

Other News
  • 20 PORSYENTONG DISKWENTO SA AMILYAR, IPATUTUPAD NG QUEZON CITY

    IPATUTUPAD ng lokal na pamahalaan ng Quezon City ang 20% updated discounts para sa nga magbabayad ng kanilang amilyar o Real Property Tax simula sa isang taon para sa mga magbabayad ng RPT ng buo bago o sa December 31.     Ito ay inanunsyo ni Mayor Joy Belmonte matapos lagdaan ang Ordinance Number SP-3179, […]

  • PISTON pinipilit ang LTFRB na ibasura ang consolidation

    NAG-protesta ang mga miyembro ng Pinagkaisang Samahan ng mga Tsuper at Operator Nationwide (PISTON) sa labas ng Mababang Kapulungan sa lungsod ng Quezon noong nakaraang Huwebes.       Ang Party list na Makabayan ay naghain ng Resolution 1506 na hinihikayat ang Land Transportation Franchising and Regulatory Board (LTFRB) na ibasura ang Department Order 2017-011 […]

  • Warriors star Stephen Curry at asawa muling ikinasal

    Muling ikinasal si Golden State Warriors star Stephen Curry at asawa nitong si Ayesha.     Isinagawa ang renewal of vows bilang bahagi ng kanilang 10th wedding aniversary.     Sa social media account ni Ayesha ay nagpost ito ng mga larawan.     Isa umanong surpresang renewal of vow ang ginawa ng NBA star. […]