Mga bagets, mabibigyan ng Pfizer-BioNTech COVID-19 vaccines
- Published on June 1, 2021
- by @peoplesbalita
TINIYAK ng Malakanyang na mabibigyan ng Pfizer-BioNTech COVID-19 vaccines ang mga teenager o mga bagets sa oras na maging available na ang suplay.
Ang pahayag na ito ni Presidential Spokesperson Harry Roque ay matapos na ihayag ng Philippine Food and Drug Administration (FDA) na nakatakdang i- modify o baguhin ang emergency use authorization (EUA) na ipalalabas sa Pfizer-BioNTech para payagan na mabakunahan ang 12 hanggang 15 taong gulang kasunod ng positive evaluation mula sa FDA team.
“Well, inaasahan po natin na kapag dumating iyong ating mga biniling Pfizer ay pupuwede naming makonsidera rin ang ating mga kabataan,” ayon kay Sec. Roque.
“Dahil sa ngayon ang only one authorized by the FDA is Pfizer, eh inaasahan po natin na kahit papaano, kapag dumating na iyong biniling Pfizer mag-a-allocate tayo para sa mga kabataan,” dagdag na pahaag nito.
Nauna rito, sinabi ni Vaccine czar Carlito Galvez Jr. na bumii ang Pilipinas ng 40 million doses ng Pfizer-BioNTech COVID-19 vaccines, subalit ang delivery nito ay hindi pa madetermina kung kailan.
Sinabi naman ni Health Secretary Francisco Duque III na ang mga bagets o teenager ay hindi maaaring ikunsidera sa vaccination program dahil ang mga nakabinbing suplay ay para sa frontliners, essential workers at general population.
Base sa pagsusuri ng Philippine FDA, ang Pfizer-BioNTech ay mayroong efficacy rate na 95% sa study population at 92% sa buong races o lahi.
“These rates are the highest among the COVID-19 vaccine brands issued emergency use authorization (EUA) by the Philippine Food and Drug Administration which include Pfizer-BioNTech AstraZeneca, Sinovac, Janssen, Moderna, Covaxin and Sputnik V,” ayon sa ulat. (Bishop Jesus “Jemba” M. Basco)
-
Pfizer humingi na ng ’emergency use authorization’ para sa bakuna vs COVID
Inanunsyo ng kumpanyang Pfizer na nakatakda na silang magsumite ng emergency use authorization para sa kanilang COVID-19 vaccine. Ayon sa CEO ng Pfizer na si Albert Bourla, ito ay matapos makakolekta na sila ng safety data na siyang requirement ng US Food and Drug Administration (FDA). Gayunman, hindi pa raw nito matiyak kung […]
-
Basketball coach John Thompson Jr, pumanaw na, 78
Pumanaw na ang unang Black basketball head coach na si John Thompson Jr sa edad 78. Hindi na binanggit pa ng kaanak nito ang sanhi ng kamatayan nito basta ang sinabi lamang na nagkaroon ito ng problema sa kalusugan. Hindi na binanggit pa ng kaanak nito ang sanhi ng kamatayan nito basta ang […]
-
Valenzuela LGU nagbigay ng 63 bagong vans sa mga paaralan
PINANGUNAHAN ng Pamahalaang Lungsod ng Valenzuela sa pamumuno ni Mayor WES Gatchalian, kasama si Senator WIN Gatchalian ang pagbabasbas at turnover ng 63 mga bagong WIN Serbisyo Van sa Puregold Dalandanan Parking Grounds para sa mga pampublikong paaralan sa lungsod. Ang naturang mga van ay nagkakahalaga ng P69,293,700, na nabili sa pamamagitan ng pagpopondo […]