• March 29, 2024
  • Ang Diyaryong Pinagkakatiwalaan

MGA GYM, SPAS, INTERNET CAFES SARADO SA NAVOTAS

Nilagdaan ni Mayor Toby Tiangco ang Executive Order 054 Series of 2021 na nag-aatas sa pansamantalang pagpapasara ng mga gyms, spas, at internet cafes sa lungsod habang umiiral ang mahigpit na general community quarantine sa Metro Manila mula March 24 hanggang April 4, 2021, maliban kung ito’y pahabain.

 

 

Alinsunod ito sa Metropolitan Manila Development Authority Resolution No. 21-05 at sa Department of Trade and Industry Memorandum Circular No. 21-11.

 

 

Layon ng EO na higit mabawasan ang pagkalat at paghahatid ng COVID-19 sa komunidad.

 

 

“Ang Navotas City Hospital at ang aming community isolation ay umabot sa full capacity dahil sa patuloy na pagtaas ng COVID-19 infections sa ating lungsod. Kailangan nating gawin ang lahat ng pag-iingat at mga hakbang sa kaligtasan upang mabawasan ang posibilidad ng pagkalat ng virus,” ani Tiangco.

 

 

Ang kagamitan sa mga gym at fitness center, pati na rin ang surfaces at lugar, ay naibabahagi sa mga parokyano nito, kaya nadaragdagan ang panganib na mahawaan ng virus. Ganun din sa mga internet cafe, kung saan ang bilang ng mga tao ay gumagamit ng isang yunit ng computer na nagpapataas ng posibilidad hawaan .

 

 

Sa kabilang banda, ang social distancing sa mga spa at massage parlor ay halos imposible at mahirap para sa mga manggagawa at kliyente na masunod ang minimum safety protocols.

 

 

“Patuloy nating isuot nang maayos ang ating face mask, magsanay ng social distancing, palaging maghugas ng mga kamay, at manatili sa bahay hangga’t makakaya natin. Ang mga safety protocols ang ating pangunahing proteksyon mula sa virus, lalo na ang bago at transmissible variants,” paalala ni Tiangco.

 

 

Nauna rito, kinumpirma ng DOH na may 10 kaso ng B.1.1.7 (UK) at isang B.1.351 (South African) variants ang naitala sa Navotas. (Richard Mesa)

Other News
  • MARGOT ROBBIE, A FORCE OF DISRUPTION IN “BABYLON”

    TWO-TIME Oscar-nominee Margot Robbie plays Nellie LaRoy, an unknown actress who is trying to get her big break into show business, in Paramount Pictures’ critically acclaimed epic, Babylon. A tale of outsized ambition and outrageous excess, the film traces the rise and fall of multiple characters during an era of unbridled decadence and depravity in early Hollywood.  […]

  • Turnover ng P614-M China military aid sa Pinas, nakatakda sa susunod na buwan

    NAGLAAN ang Chinese government ng P1 bilyong halaga ng military assistance sa Pilipinas.     Sa katunayan, ang first batch ng equipment na nagkakahalaga ng P614 milyong piso ay inihatid noong nakaraang linggo sa bansa.     Sinabi ni Chinese Ambassador Huang Xilian na ang nasabing equipment, karamihan ay sasakyan ay pormal na itu-turn over […]

  • Suplay ng bigas, sapat hanggang sa susunod na taon- DA

    TINIYAK ng Department of Agriculture (DA) sa mga sambayanang filipino na may spaat na suplay ng bigas ang bansa.     Tatagal ito ng hanggang susunod na taon dahil sa  “bumper” harvest sa panahon ng wet season o tag-ulan sa bansa.     Sinabi ni Agriculture Assistant Secretary Arnel de Mesa sa isinagawang  “Bagong Pilipinas […]