• February 8, 2025
  • Ang Diyaryong Pinagkakatiwalaan

Mga nasawi sa buong mundo sanhi ng COVID-19, lagpas 3K na

LAGPAS 3,000 na ang bilang ng mga nasawi sa buong mundo dahil sa COVID-19 as of March 2, kasabay ng pagtatala ng 42 pang mga nasawi mula China.

 

Mula Hubei province ang lahat ng mga bagong nasawi, ayon sa National Health Commission, dahilan para umakyat na sa 2,912 ang mga namatay sa mainland China.

 

Naiulat din ng mga health officials ang pinakamababang daily tally mula pa noong Enero na may 202 bagong kaso.
Sa China, patuloy na bumababa ang bilang ng mga kaso kung saan mayroon lamang anim na kumpirmadong kaso sa labas ng Hubei. Noong naka-raang taon nagsimula ang virus sa central China, ngunit kumalat na ito sa mahigit 60 na bansa sa buong mundo.

 

Naiulat na sa Estados Unidos at Australia ang unang nasawi sa sakit nitong weekend, habang halos dumoble naman ang mga tinamaan ng virus sa nakalipas na 48 oras sa Italy.

 

Sinabi naman ng World Health Organization na partikular na tumatama ang virus sa mga taong edad 60 pataas na at mayroon nang iniindang mga sakit.

 

Ayon pa sa ahensya, karamihan sa mga taong may COVID-19 ay nakararanas lamang ng mga mild na sintomas habang nasa 14 na porsyento ang mayroon malalang sakit kagaya ng pneumonia at limang porsyento naman ang nagiging “critically ill”.

 

Nasa pagitan umano ng dalawa hanggang limang porsyento ang mortality rate ng outbreak.

 

Nasa 0.1 na porsyento lamang ang average mortality rate ng seasonal flu ngunit higit na nakakahawa na aabot sa 400,000 katao sa buong mundo ang mga namamatay mula rito kada taon.

 

Nagkaroon ng 9.5 na porsyento at 34.5 na porsyento ang mortality rate ng ibang strain ng coronavirus na Severe Acute Respiratory Syndrome (SARS) at Middle East Respiratory Syndrome (MERS). (Daris Jose)

Other News
  • Pope Francis nangako ng halos P6-M na tulong sa mga biktima ng Odette

    NANGAKO  si Pope Francis na mamimigay ng $114,000 o halos P6-M para sa mga biktima ng bagyong Odette.     Ayon sa Vatican na labis na nalungkot ang Santo Papa sa nangyaring pananalasa ng bagyo.     Noong Disyembre ay isinama na rin ng Santo Papa sa kaniyang misa ang mga kalagayan ng mga biktima […]

  • Mga NBA players na COVID-19 positive, umaasang makakalaro pa rin sa season restart

    Kampante ang mga karagdagang NBA players na dinapuan kamakailan ng coronavirus na makakapaglaro sila sa oras na magpatuloy nang muli ang 2019-20 season sa susunod na buwan.   Ayon kay Sacramento Kings forward Jabari Parker, maganda raw ang usad ng kanyang recovery matapos sumailalim sa self-isolation sa Chicago.   “Several days ago I tested positive […]

  • 80% ng bansa, maaaring isailalim na sa MGCQ sa July 16

    Inilahad ni Defense Secretary Delfin Lorenzana na posibleng mas maraming lugar na ang isasailalim sa modified general community quarantine (MGCQ) sa darating na July 16.   Sa panayam, iginiit ni Lorenzana na dedepende sa datos ng coronavirus disease o COVID-19 ang quarantine measures sa bansa na magmumula sa Department of Health (DOH).   “Sabi nga […]