MIDNIGHT VACCINATION, GINAWA SA MAYNILA
- Published on July 8, 2021
- by @peoplesbalita
UPANG lalong dumami pa ang mabababkunahan sa Lungsod ng Maynila, nagsagawa ng midnight vaccination para sa mga trabahador, partikular na sa area ng Divisoria, na hindi makapunta sa vaccination sites tuwing araw dahil kailangan nilang maghanap-buhay.
Ayon kay Manila Mayor Francisco “Isko Moreno” Domagoso, ang nasabing special vaccination ay ginawa ng lokal na pamahalaang lungsod sa Recto upang ang mga trabahador tulad ng mga kargador, driver, pahinante, pedicab driver, kuliglig driver, vendor ng isda, gulay, karne, mga nagbababa ng produkto na magmumula sa Northern Luzon, Central Luzon at Southern Luzon ay mabigyan ng libreng bakuna kontra COVID-19.
Nabatid na naglaan ng 1,000 doses ng Covid vaccine sa nasabing special vaccination kung saan nagsimula ng alas-10 ng gabi at matatapos hanggang alas-5 ng umaga. Masusundan pa mammayang gabi ang nasabing proyekto.
Samantala, pumalo na sa 726,257 ang naibigay na bakuna ng Manila Health Department sa lungsod ng Maynila.
Sa nasabing bilang, 559,865 ang nakatanggap ng first dose habang 166,392 ang naturukan na ng second dose.
Sa ikinasa naman COVID-19 mass vaccination kahapon, umabot sa 39,922 ang nabakunahan ng first dose gamit ang Sinovac vaccines.
Ngayong araw ay muling magpapatuloy ang pagbabakuna sa lungsod ng Maynila sa mga A1 hanggang A5 priority group para sa kanilang first dose.
Nasa tig-3,000 doses ang inilaaan sa apat na mall kabilang na dito ang SM San Lazaro, SM Manila, Robinson’s Place Ermita, at Luck Chinatown Mall habang tig-1,500 doses naman sa 18 vaccination sites na paaralan. (Bishop Jesus “Jemba” M. Basco)
-
Isusulong ang pondo para sa edukasyon at paglikha ng trabaho: Mga artista at influencers ni LENI, todo-suporta kay BAM bilang senador
MULING nagsama-sama ang iba’t ibang artista at influencers na tumulong sa kampanya ni dating Vice President Leni Robredo bilang pangulo noong 2022. Ito ay para magpahayag ng kanilang suporta sa kampanya sa kandidatura ni dating Senador Bam Aquino bilang senador sa darating na halalan sa Mayo. Kabilang sa mga dumalo sina Jolina Magdangal, Mark Escueta […]
-
Hopkins pinayuhan ang mga retiradong boksingero na magpahinga na
Pinayuhan ni dating boxing champion Bernard Hopkins ang kapwa niyang mga retiradong boksingero na huwag ng bumalik pa sa boxing ring. Sinabi ng 51-anyos na boksingero na mahihirapan na ang mga ito na maghanap pa ng mga makakalaban. Pagtatawanan na lamang ang mga ito dahil sa mabagal na paggalaw at mahinang pagsuntok dahil […]
-
WBN Fighter of the Year trophy nakuha na ni Pacquiao
Natanggap na ni eight-division world champion Manny Pacquiao ang Fighter of the Year award nito na iginawad ng World Boxing News (WBN). Ibinigay kay Pacquiao ang naturang parangal matapos ang matagumpay na kampanya nito noong nakaraang taon kung saan dalawang impresibong panalo ang kanyang naitala. Nakuha ni Pacquiao ang unanimous decision win kay […]