Motorista puwedeng mamili kung PMVIC o PETC ang emission testing ng sasakyan
- Published on November 12, 2021
- by @peoplesbalita
Hindi pipilitin ang mga motorista na mag avail ng emission testing sa mga private emission testing centers (PETCs) na siya naman sinusulong ng Land Transportation Franchising and Regulatory Board (LTFRB) at ng Land Transportation Office (LTO) hanggang wala pa further notice sa publiko.
Kailangan ang inspection report ng emission testing centers sa mga sasakyan dahil ito ay isang requirement bago marehistro ang sasakyan.
Sa isang budget deliberations na ginawa sa Senado sa pangunguna ni Senate committee on finance chair Grace Po, sinigurado ni Department of Transportation (DOTr) Secretary Arthur Tugade na hindi nila pipilitin ang mga motorista na sa mga PETCs magpagawa ng testing ng kanilang sasakyan.
Nilinaw ni Tugade na maaari silang mamili kung saan nila gustong magpa inspect ng kanilang sasakyan. Puwede sa mga PETCs at PMVICs dahil parehas lamang ang presyo ng testing.
Ayon pa rin kay Tugade na kahit na pareho lang ang presyo ng testing sa PMVIC at PETC, ang emission testing naman ng una ay mas extensive at modern kumpara sa huli.
“I have already instructed the LTO and the LTFRB insofar as PMVICs and PETCs are concerned to make them co-exist. We still don’t have economies of scale or the critical mass,” saad ni Tugade.
Sinabi niya ito dahil kukunti pa rin ang mga bilang ng mga PMVICs kung saan ito ay may 72 na sangay lamang sa buong bansa samantalang ang mga PETCs ay may 800 na sangay. Dahil sa kakulangan ng mga PMVICs nagkakaron ng mahabang pila at kung minsan ay tumatagal pa ng hanggang dalawang (2) araw bago sumailalim sa inspeksyon ang isang sasakyan.
“There are many provinces that have only one PMVIC, causing congestion and risking COVID-19 infections. Some provinces reportedly share only one PMVIC,” dagdag ni Tugade.
Suspendido muna ang mandatory testing sa mga PMVIC hanggang hindi pa marami at sapat ang mga sangay ng PMVICs na magbibigay ng serbisyo sa publiko.
Ating maalala na nagkaron ng mabigat na pagtutol ang mga motorista ng mga nagdaang taon ng ipag-utos ng LTO at LTFRB na sa mga PMVICs lamang maaaring sumailalim ang mga motor vehicles ng extensive roadworthiness at safety examinations.
Samantalang ang layunin ay maganda, ang mga motorista at mambabatas ay naghihinala na ang nasabing requirement ay puno ng corruption dahil ang bidding na ginawa para sa PMVIC licenses ay hindi transparent at ang ibang centers ay sinasabing may kaugnayan sa mga opisyal ng LTO at LTFRB. LASACMAR
-
Biado naghahanda na sa pagsabak sa SEA Games
Tiniyak ni Filipino billiard champion Carlo Biado ang pagsali nito sa Southeast Asian Games sa Vietnam. Matapos kasi ang panalo nito sa US Open Championship noong Setyembre 18 ay lumakas ang kumpiyansa nito para sa pagsali sa SEA Games sa 2022. Bukod pa sa SEA Games ay isa ring pinaghahandaan nito […]
-
Mura, mabilis na annulment mas bet ni Chiz kesa divorce
SA HALIP na diborsiyo, nais ni Senate President Francis “Chiz” Escudero na isulong ang mura at accessible na annulment. “Ang personal stand ko ay ito: mas nais kong palawakin at affordable at accessible ‘yung annulment na nasa family code natin ngayon,” ani Escudero. Ginawa ni Escudero ang pahayag kasunod ng […]
-
Donasyong COVID-19 vaccine ng China, depende na sa DOH – FDA
Ipinauubaya na ng Food and Drugs Administration (FDA) sa Department of Health (DOH) kung gagamitin ang mga donasyong bakuna ng China kahit na wala pa itong Emergency Use Authorization (EUA) sa Pilipinas. Sa Laging Handa public briefing, sinabi ni FDA Director-General Usec. Eric Domingo, sang-ayon sa batas hindi namang ipinagbabawal ang pagtanggap ng gobyerno […]