Nag-sorry sa ‘di magandang performance: ARNEL, aalis bilang lead vocalist ‘pag umabot sa 1M ang text na ‘GO’

HUMINGI ng paumanhin si Arnel Pineda, ang Pinoy lead vocalist ng American band na Journey, sa hindi niya naging magandang performance sa Rock in Rio Music Festival sa Rio de Janeiro, Brazil.

Sa kanyang Facebook post nitong Linggo, sinimulan ni Arnel ang kaniyang mensahe sa pamamagitan ng pasasalamat sa mga taong sumusuporta sa kanilang banda.

“This year I appreciate [you all], and not only that, everytime that I’m on stage with the band, I feel this immense gratitude, humility and honor,” saad ni Arnel.

Kasabay nito ang pagtugon niya sa hindi niya magandang performance sa Brazil concert, at siya pa mismo ang naglagay ng link ng tugtugin sa “Behind the Songs” page, at inihayag na, “no one more than me in this world feels so devastated about this.

Sa video na kuha noong September 21, makikita na hirap si Arnel na maabot ang mataas na tono sa kanilang hit song na “Don’t Stop Believin“.

“It’s really amazing how one thousand right things you have done will be forgotten just cause of this and of all the places, it’s in Rock In Rio,” saad ni Arnel.

Ayon kay Arnel, “I suffered emotionally and mentally” at tinanong ang fans kung dapat pa ba siyang manatili sa banda o hindi na.

“I am offering you a chance now (lalo na ang mga galit sa kaniya) to simply text GO or STAY right here,” lahad ng Pinoy singer.

“And if GO reaches 1 million. I’m stepping out for good. Are you game folks? Let’s start.”

Sa huli, nagpasalamat si Arnel sa fans at mga kaibigan na na “naniwala” sa kaniya simula sa umpisa.

Taong 2007 nang maging lead singer ng Journey si Arnel makaraang umalis ang dating lead vocalist ng banda na si Jeff Soto.

***

SUNUD-SUNOD ang acting projects ng Kapuso Oppa na si Kim Ji-Soo matapos niyang pumirma bilang isang Sparkle artist.

Matatandaan na una siyang napanood sa GMA Network action drama series na ‘Black Rider,’ kung saan marami ang bumilib sa kanyang pagganap bilang Adrian Park. Naging Red Carpet Scene Stealer Awardee rin siya sa GMA Gala 2024. Malapit na ring ipalabas ang kanyang kauna-unahang Filipino movie na “Mujigae” kasama sina Rufa Mae Quinto, Alexa Ilacad, Lito Pimentel, at marami pang iba.

Hindi lang sa TV at pelikula makikita si Kim Ji-Soo dahil kamakailan lamang ay inilabas na ang ilang episode ng kaniyang YouTube vlog na ‘Jisoo Road’ at naging active rin siya sa TikTok para mas lalo pang mapalapit sa kanyang fans.

Dahil sa init ng suporta ng fans sa Kapuso Oppa ay ipinagpapatuloy niya ang kanyang career sa bansa sa kabila ng mga isyung hinarap niya simula pa noong 2021.

Paglilinaw ng South Korean actor, nakausap at nakipag-ayos na siya sa mga taong involved sa school violence issue habang wala namang katotohanan ang alegasyong sexual assault.

Nananatiling focused at determinado si Kim Ji-Soo sa kanyang career at nagpapasalamat siya sa kanyang fans. Aniya, “I am truly grateful for the opportunities I’ve had here. The support from my Filipino fans has been overwhelming, and there is so much more I want to accomplish.”

Kinakikiligan naman ngayon ang tambalan nila ni Kapuso actress Jillian Ward nang mapabilang siya sa top-rating GMA Afternoon Prime series na ‘Abot-Kamay Na Pangarap’ bilang si Doc Kim Young.

Kamakailan ay ibinahagi ng Korean actor na mas relax at kumportable na siya sa set sa tulong na rin ni Jillian.

***

NAGPAPASALAMAT si Marina Benipayo sa mga sumuporta sa kanilang pamilya noong ma-detain ang partner niyang si Ricardo Cepeda ng 11 months para sa kasong estafa.

Ayon pa sa former model and beauty queen, maayos ang lahat kay Ricardo kaya hindi na nito kailangan dumaan pa sa physical at psychological treatment sa paglaya niya.

“Malakas naman ang will ni Ricardo psychologically, spiritually, mentally. He’s a very strong person. I think normally pag gano’n, kahit si Ricardo yung few weeks na a-detain siya, talaga nag-iiba yung cycle niya.”

Hindi rin biro ang naging sakripisyo ni Marina noong nilipat si Ricardo sa Cagayan Provincial Jail sa Tuguegarao City. Dito raw na-test ang commitment nila ni Ricardo bilang life-long partners.

“I visited him every week. From April to mga August, mga twice a month kasi mahal din ang ticket ng eroplano. Tapos everything that I was working for went to the plane tickets and what he needed na.

“So you know, you would really do if halimbawa yung commitment ninyo is strong with one another, you won’t give up, di ba? Talagang you would still, kahit nakakapagod especially nung every week ako lumilipad.“

Noong tanungin ni Marina si Ricardo kung ano ang gusto nitong gawin pag-uwi nito, gusto lang daw nito magpahinga“Sabi niya right now, gusto ko lang magpahinga. Kasi siyempre, I don’t think we can totally describe yung pinagdaanan ni Richard doon, how it was emotionally, mentally, psychologically, ‘di ba?”

(RUEL J. MENDOZA)