• April 27, 2025
  • Search in People's Balita

  • Ang Diyaryong Pinagkakatiwalaan

 

Naghimutok na naging ‘visitor’ instead of ‘father of the bride’: DENNIS, ini-reveal ang convo na muntik nang ‘di matuloy ang kasal ni CLAUDIA

BASE sa naging panayam ni Dennis Padilla kay Ogie Diaz, nabanggit nito na tinawagan siya ng anak na si Claudia Barretto early in the morning.
Umiiyak daw si Claudia nang sabihin na hindi na matutuloy ang kasal nito kay Basti Lorenzo. Ang dahilan, hindi raw kasi niya nakikitaan ng excitement ang boyfriend of 10 years.
Pero as we all know, natuloy pa rin ang kasal noon April 8. At doon na nga nauwi muli sa gulo ang relasyon ni Dennis sa kanyang tatlong anak kay Marjorie Barretto na sina Leon, Claudia at Julia.
First, dahil sa rebelasyon na ito ni Dennis, nasagot tuloy ang naging impression ng mga netizen na parang malungkot ang ambience ng kasal at parang hindi masaya ang groom, maging si Claudine as bride.
Pero, alam namin na bilang isang ama, masakit para kay Dennis ang pakiramdam niya na siya ay “visitor” instead na “father of the bride” sa mismong kasal ng anak.
Pero bilang magulang, ‘di ba, gagawin naman ng isang ina at ama ang lahat, will even take the back seat just to make sure na maligaya ang anak.
Sana yun na lang din ang isipin ni Dennis. The more na nagsasalita at nagpapa-interview siya, ang sinasaktan niya rin at posibleng nakakaramdam ng trauma ay ang mga anak niya.
Mapapanindigan din ba niya na wala na nga ang mga ito sa buhay niya? ‘Pag gano’n, hindi na siya mariringgan pa ng kahit anong komento o banggitin man lang sila kasi, tinuldukan na niya ang pagiging mag-aama nila.
***
RABIN, wish na ‘wag silang pagsabungin ni ANDRES
AMINADO ang VAA artist na si Rabin Angeles na kahit ilang taon na rin siya sa showbiz, ang series nila sa VIVA One nina Ashtine Olviga at Andres Muhlach na “Mutya ng Section E” ang naging daan para mapansin siya.
Katulad ng ibang baguhan sa showbiz, nangako rin si Rabin na hindi siya magbabago at hindi lalaki ang ulo niya.
Tinanong namin siya kung ano ang pwedeng ikalungkot niya na marinig niyang sasabihin sa kanya.
Aniya, “Kapag sinabi po na hindi ako marunong umarte. Kaya po nagwo-workshop ako at ginagawa ko po lahat para mas mag-improve.”
Bukod dito, ikalulungkot din daw niya kung sasabihan siya na nagbago na.
Wish ni Rabin na ‘wag silang pagsabungin ni Andres dahil suportahan daw silang tatlo.
At tulad ni Andres, “NGSB” din si Rabin. No girlfriend since birth. Pero when asked kung para sa kanya ay girlfriend material si Ashtine, mabilis na yes ang sagot nito.
Sa isang banda, isang senyales na pataas na ang karera ng isang artista kung ito ay nakatatanggap na ng mag endorsement.
Si Rabin ang inilunsad na newest brand ambassador of
international South Korean skincare brand, The Lab by Blanc Doux na distributed ng VIVA Beauty.
(ROSE GARCIA)
Other News

  • COVID-19 cases sa Metro Manila, bumaba pa sa 9%

    Bumagsak pa sa siyam na porsiyento ang naitatalang COVID-19 cases sa Metro Manila na kasunod rin nang pagbaba sa ‘healthcare utilization’ sa rehiyon, ayon sa OCTA Research Group.     Sa datos ng OCTA, nakapagtala ng 667 daily cases mula Hunyo 21 hanggang Hunyo 27 na mas mababa sa 731 kasong arawang average mula Hunyo […]

    read more

  • OBRERO SUGATAN SA PULIS

    SUGATAN ang isang 27-anyos na construction worker matapos makipagbarilan sa pulis na sumita sa kanya sa Caloocan city, kamakalawa ng gabi.   Kinilala ang suspek na si Kenneth Bryan Gelito ng 2938 A. Bonifacio St. Pag-asa, Brgy. 175.   Ayon kay Caloocan police chief P/Col. Samuel Mina, naganap ang insidente alas-9:20 ng gabi sa kahabaan […]

    read more

  • PANUKALA ng NEDA na gawing polisiya ang 4 day work week

    MALAKI ang posibilidad na malaman sa darating na Lunes, Marso 21 ang magiging pasiya ni Pangulong Rodrigo Roa Duterte ukol sa naging panukala ng National Economic and Development Authority (NEDA) na 4 day work week at work from home set up.     Sinabi ni acting Presidential spokesperson at PCOO secretary Martin Andanar na naipaliwanag […]

    read more
People's Balita.
All rights reserved. © Copyright 2025.