Nagpa-veneers daw ang aktor kaya super puti: JAKE, halos mag-trending nang mas pinansin ang ngipin kesa sa acting

NAKATATAWA lang kasi ang mga netizen, lahat binibigyan ng big deal.

Halos mag-trending yung isang eksena ni Jake Cuenca sa ‘FPJ’s Batang Quiapo’ na ang pinansin talaga, yung ngipin niya.

Kesyo nagpa-veneers daw si Jake. Not real ang ngipin niya at super puti raw. Na kesyo ito raw yung mas pansin than his acting.

Siguro kung ibang actor pa, baka maniwala ako na yung ngipin ang napapansin at hindi ang acting, huh! Si Jake pa ba diretsahan naming masasabi na parang alak. Kung ang alak, habang tumatagal ay sumasarap, si Jake naman bilang actor, habang tumatagal ay mas lalong humuhusay.

Sa mga hindi nakakaalam, napakataas ng control or discipline ni Jake. Apat na taon na siyang hindi naninigarilyo at hindi rin umiinom. Baka posibleng ito ang dahilan kung napapansin man na mas shiny white ang ngipin niya.

Pero, sey nga ni Jake, simula pa ng ‘Click’, yun na yon. Kaya kung may magpapatunay na veneers daw ang ngipin niya at na-prove niya siyempreng hindi totoo, pwede siyang mag-demanda. Since, ginagawa na itong topic sa social media at halos nagti-trend.

Sa isang banda, apat na buwan pa lang halos si Jake sa B.Q. pero napakaraming beses ng mag-trend ng mga eksena niya. Ang recent nga ay ang eksena niya with McCoy de Leon na death scene nito.

Abangan ngayon dahil sila na ni Coco Martin ang madalas magkakatunggali.

***

SA July 17 ay ipalalabas na sa VIVA One ang PH adaptation na “Bad Genius: The Series.”

Sa trailer pa lang ay na-impress na kami at nagka-interes na mapanood ito.

Mukhang maipapakita ni Atasha Muhlach na definitely, she’s not just another pretty face and she’s not just another showbiz royalty. Teaser pa lang, kita na ang acting at ang angas ni Atasha.

At kahit na first serye pa lang niya, matapang niyang tinanggap ang isang out-of-the-box role.

Sa isang banda, marami ang nagtatanong kung wala na raw ba talaga si Atasha sa ‘Eat Bulaga’. Sey naman ni Atasha, talagang nag-focus muna siya sa ginagawang serye at magbabalik din once na natapos na siyang mag-taping.

(ROSE GARCIA)