NAIA terminal assignment babaguhin

ANG NAIA Infrastructure Corp. (NNIC), na bagong pribadong operator ng Ninoy Aquino International Airport (NAIA) ay nagsabi na magkakaroon ng pagbabago ng terminal assignments ang mga airlines upang mabawasan ang pagsisikip at ng gumanda ang takbo ng operasyon dito.

“We have engaged already with several consultants regarding the reassignment of terminals being used by airlines to improve passenger experience and boost flight efficiency. This is something that will surely happen,” wika ni NNIC general manager Angelito Alvarez.

Gusto ng NNIC na itaas ang aircraft movements kada oras at maging 48 flights mula sa ngayon na 41 flights lamang.

“There’s really congestion at the airport so if we will maintain the status quo, you can just imagine the impact on the passenger experience, so we will need to do something while the new Terminal 2 extension still to be built,” saad ni Alvarez.

Ang sinasabing bagong terminal building na pinaplanong itatayo ay ilalagay sa lupa na kinatitirikan ng dating Philippine Village Hotel kung saan ito ay idudugtong sa NAIA Terminal 2.

Sa ilalim ng bagong plano para sa mga airlines, sinabi ng NNIC na ang NAIA Terminal 1 ay gagamitin lamang ng Philippine Airlines at ang Terminal 2 naman ay magiging isang domestic terminal na lamang kasama na ang operasyon ng Cebu Pacific. Habang ang Terminal 3 ay ilalaan sa mga foreign airlines na sa ngayon ay nasa Terminal 1. Ang Terminal 4 naman ay para sa Air Asia flights na ngayon ay nasa Terminal 2.

“With regards to the terminal assignment, the end-state will happen only in about two years once the Terminal 2 extension will be completed,” dagdag ni Alvarez.

Ang nasabing terminal assignment ay gagawin pakonti-konti dahil sa space limitation na ang uunahin na ilipat ay ang AirAsia na nasa Terminal 2 at ilalagay pansamantala sa Terminal 4. Ang mababakanteng wing ay ilalaan naman sa Cebu Pacific na nasa Terminal 3. At ang lugar na maiiwan sa Terminal 3 ay ilalaan sa mga foreign airlines na ngayon ay nasa Terminal 1.

“It will be a gradual process. That is the best that we can do this point in time. As I stated earlier, things can only normalize once this Terminal extension is completed,” ayon kay Alvarez.

Ang mga opisyal ng mga airlines tulad ng AirAsia Philippines, Cebu Pacific, at Philippine Airlines ay bukas sa pakikipagtulungan sa NNIC para sa reassignment.

Binubuo ang NNIC ng San Miguel Corp., RMM Asian Logistics Inc., RLW Aviation Development Inc., at Incheon International Airport Corp kung saan ang grupo ay mag take-over ng operasyon ng NAIA sa September 14, 2024.

Dati ang conglomerate ay tinatawag na SMC SAP & Co. Consortium bago naging NNIC at kung saan ang grupo ay lumagda sa P170.6 billion na concession agreement sa Department of Transportation (DOTr) upang sila ang mag take-over sa operasyon ng NAIA matapos na sila ang magbigay ng may pinakamataas na share para sa future revenues sa pamahalaan.

Magbibigay ang grupo ng P122.3 billion sa capital investments sa loob ng 25 taong concession period o P4.89 billion kada taon. Kailangan din na magbigay sila ng upfront payment na P30 billion sa pamahalaan at kasunod ang P2 billion na annual payments sa buong ilang taon ng kontrata. LASACMAR